SAURI YA HAIFI NAWA

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da tara</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEjAoMFDxe_ZF5iZxaUBn0IWsOZXSD2hDWfv8IOxsDbS_wiTp6XL1mg6B_pGASZZTa4aH7-ByCEsnw7kMCo5Ne4sgHDaCmyS1ITxdsUEyAcJdMT-_4n_q9Bk5zHStTXeJJ6XoX2-B5TEmJOx/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEjAoMFDxe_ZF5iZxaUBn0IWsOZXSD2hDWfv8IOxsDbS_wiTp6XL1mg6B_pGASZZTa4aH7-ByCEsnw7kMCo5Ne4sgHDaCmyS1ITxdsUEyAcJdMT-_4n_q9Bk5zHStTXeJJ6XoX2-B5TEmJOx/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> SAURI YA HAIFI NAWA</div> <div style="text-align: center;"> <br /></div> <div style="text-align: center;"> Sauri Ya Haifi Nawa <br /><br /><br />      An yi wani Sarki nan arewa wanda ke da dan auta da ba a taba ganin kyakkyawa irinsa ba. Da fari dai ga shi, shi bai cika kyamushewa ba, shi kuwa ba kakkaura ba hakanan. Wuyan nan nasa sai ka ce goran nono, idanunsa ko fari fat sai ka ce madara. Gashin kansa ma abin kallo ne, don sai ka ce mai ya ke shafa masa. In ko har ya yi dariya ka ga hakoran nan, wayyo Allah! Kafafunsa kuwa—<br /><br />Musa ya ce wa aku, “Kai don Allah in za ka ba mu labari ka ba mu mu sha, in ko ba ka ba mu, ka kyale mu kowa ya san abin da ya kama.”<br /><br />Aku ya ce, “A’aha! A bar ni in gyara labarina yadda zai yi dadi.”<br /><br />Wata rana Sarkin nan ya hau duk da mutanensa, don ya kewaya kasarsa ya buga musu haraji. Suna cikin tafiya sai autansa ya janye wani baransa, suka rika ja da baya. Suna son a wuce su kama labarin duniya. Ko da suka ga rundunar Sarki ta bace, sai suka yi ta tadinsa suna kakkawa suna tafawa. Suna cikin haka sai suka isa wani dan kauye wanda Sarki ya wuce tuni. Da suka ga azahar ta yi sai suka sauka, don su yi salla. Baran nan ya tafi gidan mai garin ya gaya masa ga dan Sarki nan zai yi salla a garinsa.<br /><br />Da bayin nan na Waziri suka ga ga shi har asuba ta yi Musa bai ko motsa ba, balle su sami damar gama masa aiki, sai suka sake shawara, wani daga cikinsu ya zo ya durkusa gaban Musa kamar mace, ya ce, “Ana kira ciki.”<br /><br />Musa na tsammani baiwarsa ce, sai ya ce, “Je ki, ina tafe,” ya koma, Aku ya ci gaba da labarin da ya ke bayarwa, ya yi ta jansa, don kada ya kare gari bai waye ba Musa ya ce zai tashi.<br /><br />Da baran ya wuce, sai ga wata yarinya kamar ‘yar Labarawa ta fito daga wani gida kusa da masallaci. Tana leko kai sai duk wurin ya haske, in ka dube ta sai ka yi tsammani ba ta cin abinci don ba alamar ciki. Jikin nan nata kuwa na rantse har da girmanka, yallabai, kamar in ka duba za ka ga bargo. Hancinta kosaika ce ita ta yi wa kanta. In da ka dubi idanuntasai ka rantse da Allah ba ta kifitawa, Gashi ko—Muse ya ce, “Kai, ya isa hakanan. Ci gaba da labari, ka ji ana kirana gida.”<br /><br />Aku ya ce, “Ina zuwa.” Ya yi ta tsawaita shi:<br /><br />Dan Sarkin nan ya ta da kai, ya dub ta tun daga kasa har sama, sai ya ce a ransa, “An ce dan Adam duk bai cika goma ba, to, yau ga wadda ta kai goma sha biyu.”<br /><br />Ya kara dubanta ya ce, “Yam mata, daga ina?”<br /><br />Ta ce, “Daga Waila Fadama. Mun zo biki ne nan jiya, yanzu kowa da azaharin nan za mu koma.”<br /><br />Dan Sarki ya yi mamaki, ya ce, “A Waila Fadama? Wane gida ki ke kuwa har ban sani ba?”<br /><br />Ta ce, “Nan gidan mai garin. Ai ni ce babbar ‘yarsa. Ba na fita ne, daga biki sai salla, shi ya sa ba ka san ni ba. Amma ka ga, ni kuwa na san ka. Ko kai ma ba ka rasa jin labarin Nana Yauki ta Waila Fadama ba.”<br /><br />Dan Sarki ya yi shiru, ya ce, “Wallahi kuwa, na ji ana labarinta.”<br /><br />Ta ce, “To, ai ni ce.”<br /><br />Da dan Sarkin ya ji haka sai ya takale ta da maganar aure, ya ga alamar lalle tana sonsa. Wancan mijin da za a ba ta wai dattijo ne mai gemu, ita kuwa ta ce ba ta auren mai gemu.<br /><br />Bayan sun shirya da ita a nan sai ta tafi. Ya dauki buta a masallaci ya yi alwala, ya shiga ya yi salla. Da yai sallama, ya yi addu’a ga Fiyayyen taliki ya nufa Allah ya sa ya auri wannan yarinya. Don dokin bukatar auren yarinyan nan har ya yi subul a baka ya ce wai in Allah ya nufa ya aure ta ya kashe kansa don murna.<br /><br />Bayan ya fito daga masallaci sai ya tarad da mai garin ya kawo masa sauka. Suka gaisa, ya hau, suka mika da baransa. Suka bi Sarki har suka iske su. Yana tafe yana ba baran nan labarin yarinyar.<br /><br />Da aka kare kewayar kasa aka koma gida. Sai dan Sarkin nan ya gaya wa Wazari yana son su neman masa ‘yar Sarkin Waila Fadama da aure. Waziri ya gaya wa Sarki.<br /><br />Aka neman masa, aka ba shi. Aka yi biki aka kare.<br /><br />Bayan sun yi kamar shekara uku da auren, sai ran nan Nana ta ce tana son mijin ya raka ta ta gano gida. Dan Sarki ya gaya wa ubansa, uban ya yarda. Ya sa wani babban bawansa ya raka su, aka yi musu shiri, suka hau rakuma suka tafi.<br /><br />Suna cikin tafiya har suka kai garin da dan Sarkin ya fara ganin Nana, suka yi zancen aure, suka tsaya kusa da masallacin, don ya yi alwala ya yi sallar azahar. Ko da ya shiga ya gama salla zai fara tasbaha, sai ya ji kamar daga bisa an ce masa, “Ina alkawarin da ka dauka, da ka ce in Allah ya nufa ka auri Nana za ka kashe kanka don murna da godiya ga Ubangiji?”<br /><br />Da dan Darki ya ji haka, sai ya tuna da alkawarin nan da ya yi. Ya duba gabas, ya duba yamma, bai ga mai magana da shi ba, sai jinkinsa ya dauki rawa, ya yi salati, ya ce, “Lalle baki shi kan yanka wuya!” Sai ya zare takobi, nan ya fille kansa. Ya fadi ya mutu.<br /><br />Da aku ya kawo nan sai suka ji assalatu. Wani daga cikin bayin Waziri ya yi maza ya sake zuwa ya durkusa gaban Musa, ya ce, “Ana kiranka maza maza ciki.”<br /><br />Musa ya ce, “Haba, su sai su dami mutum da kira. Ins kika ga zan iya tashi ban ji karshen wannan labari mai dadi ba? In wani abu a ke so, Sarkin Gida, je ka ka gani.”<br /><br />Da bawan nan ya ga Sarkin Gida zai biyo shi sai ya ce, “A’a zauna abinka, Sarkin Gida, shi a ke nema. In ba ya zuwa, bari in je in gaya musu.” Sai ya koma ya gaya wa ‘yan’uwansa, suka yi waje da sauri, suna wa juna barki da Sarkin Gida bai biyo ba, da yau sun bakunci lahira. Suka tafi suka gaya wa Waziri abin da ya faru. Waziri ya ce ku koma su sake kokari, zai kara musu fam goma goma. Suka sake shiga irin ta maza, suka komo. Duk gari an tashi, har rana ta kunno, aku kuwa sai jan labarinsa, ya ke yi.<br /><br />Da Nana ta ga ya dade bai fito ba, sai ta ce wa bawan nan ya shiga ya gani wane irin dogon wurdi ya kama, har yanzu bai gama ba. Da shigarsa sai ya tarad da shi kwance male-male cikin jini, ba kai, ga tokobi can gefe yashe. Ya dafe kai, ya yi salati, ya ce, “Yanzu in na fita na fadi abin da ya faru, lalle za a ce ni na kashe shi, Ban ga wata hanya ba sai in kashe kaina nan tare da shi, in an ga hakak a san lalle sai da na yi kokarina har na kasa, abin ya faru haka.” Sai ya dauki takobin nan ya fille kansa. Ya fadi gefe daya ya mutu.<br /><br />Nana tana waje tana jira. Shiru shiru, ba ta ga wani ya fito ba, ta ce, “kai yau fa ga inda na yi ma’aikin kibiya. Abin nan lafiya dai?”<br /><br />To kara hakuri dai har la’asar ta yi sakalliya, sa’an nan ta ce, “ko da mata ba sa shiga masallaci, lalla ni in je in ga abin da ya auki.”<br /><br />Sai ta sauka, ta kutsa kai cikin masallaci. Da shigarta sai ta ga mijinta da bawansa duk ba kawuna. Ta ja da baya, ta yi dan ta yi nan, ta fadi ta yi ta kuka. Da ta ga dai kuka ba ya magani, sai ta dauki takobi, ta ce, “Bari ni ma dai in kashe kaina, In huta da wannan bakin cikin, raina dai ba shi da amfani gare ni muddin mijin nan nawa ba ya numfashi.”<br /><br />Ta cira takobi za ta sare kanta, sai ta ji an ce, “Tsaya. Dauki kawunansu ki lillika musa, duk sai su tashi.”<br /><br />Ta duba gabas, ta duba yamma, ba ta ga wanda ya yi mata magana ba. Sai ta tashi da rawar jiki, ta dauki kawunan ta lillika jikunansu.<br /><br />Ashe cikin dokin ta ga mijinta ya tashi har ta kidima ta dauki kan da Sarki ta lika wa jikin bawan, ta dauki kan bawa ta lika wa jikin dan Sarki. Sai suka tashi, dan Sarki da kan bawa, bawa da kan dan Sarki! Kowane da mikewarsa sai ya rungume ta, ya ce matarsa ce.<br /><br />To, jama’a, wa kuka gani ke da mata?<br /><br />Bayi suka tashi da gardama haya haya, haya haya, wadansu na cewa mata ta kan dan Sarki ce, wadansu na cea a’a, mata ta gangar jiki ce.<br /><br />Suna cikin gardamar, ga bayin Waziri tsaye bakin zaure, ba wanda ya san abin da su ke jira sai aku. Sai aka ji tambura Sarki ya tinkaro. Kafin a yi haka, kofar fada ta fara daukar ‘yam bushara.<br /><br />Bayin Waziri da suka ga ba dama, suka koma suka gaya wa Waziri, ya yi ta cizon hannu don bakin ciki. Jim kadan Sarki ya kawo, Mahmudu na gaba maroka sun daho shi, sai kirari a ke masa ana yi masa waka.<br /><br />Mahmudu, jimre ka dau himma,<br /><br />Sai an gwada za a san babba.<br /><br />Zama ga daki na raggo ne.<br /><br />Wan Musa, taso mu je gaba.<br /><br />Mai son fada, duk ya zo nana,<br /><br />Gun Mahmudu, yanzu ya bar wasa.<br /><br />Sinari bana sun tabo wahala,<br /><br />Wan Musa Allah ya jaya ma!<br /><br />Sakaci da tsoro ka yashe su,<br /><br />Duniyag ga ba tai mai wauta.<br /><br />Sinari sun tuba, sun bi ka,<br /><br />Sarkinsu ya zo, ka gafarta.<br /><br />Kyaun saurayi duk a dau mashi,<br /><br />Don shi da mata a bambanta.<br /><br />Ayyururui! Mutane, mu dau guda,<br /><br />Mahmudu da mai kamar baba.<br /><br />Allah ka dube mu kai rahama,<br /><br />Allah ka dube mu kai rahama.<br /><br />Allah ka dube mu kai rahama,<br /><br />Ka ji kan mahaifa, mu ce amin!<br /><br />Da suka iso duk gari aka dauki alo alo. Musa ya tafi ya taryi Mahmudu a kofar gida, ya rungume shi, suka yi ta murna. Ya tambaye shi kwana nawa ya yi yana jiyya, ya ce shi ko kaya ba ta taba sukarsa ba tun fitarsa, balle ya yi jiyya. Musa ya yi ta mamaki. Ya tambaye shi batun takardar da ya sha yiwowa, ya ce shi bai aiko kowa ba. Musa ya tafi dauko takarda, ya tarar ba ko daya, ashe duk aku ya kwashe su ya boye.<br /><br />Waziri ya zo yana ‘yan dararraku, wai shi yana murna. Da aka natsa, aku ya ce wa Musa, “Na ji kana neman takardun da Mahmudu ya aiko maka sa’ad da su ke wajen yaki, ai suna nan na ajiye maka.” Ya tafi ya dauko ya kawo musu, suka yi ta karantawa suna tu’ajjibi, suka boye takardun suka kyale.<br /><br />Da gari ya waye, sai suka dauki takardun nan suka kai wa Sarki. Ya duba, ya ce, “Wannan ai hannun Waziri ne.”<br /><br />Mahmudu ya ce, “Hannun Waziri! Karanta ta ka ji.”<br /><br />Sarki ya karanta takarda, sai ya rike baki, ya ce, “Me ya ke nufi da wadannan?” Ya juya ga Musa ya tambaye shi yadda aka fara, har aka aiko masa da wadannan takardu.<br /><br />Musa ya ce shi bai san abin da a ke ciki ba, tsammani ya ke Mahmudu ke aiko da su. Ya kwashe abin da aka fara aikowa, da dukan abubuwan da suka auku, da yadda aku ya yi ta rudinsa da labaru har bai sami fita ba, duk ya fada wa Sarki.<br /><br />Da Sarki ya ji haka, ya ce, “Ba shakka akwai magana. A kira aku.” Na da nan aka zo da shi, Sarki ya tambaye shi. Aku ya zauna ya kwashe yadda aka yi duka har da abin da suka yi da Waziri sa’ad da ya aiko a je da shi,da labarin bayin nan da a ke aikowa suna yiwo shirin mata suna zuwa, da abin da ya faru daren da Sarki zai dawo, har ya sa suka komo cikin bayin da aka bari tsaro ya rika ba su labari don kada su yi barci, da yadda ya yi ta fama da Musa don kada ya fita, duk ya fadi.<br /><br />Da Sarki ya ji wannan abu, sai hawaye suka zubo masa don tsausayin aku, ya dauke shi ya rungume, yana cewa. Yaya za mu yi mu fito wa wannan a;’amari?”<br /><br />Aku ya ce, “Duk wadanda a ke aikowa, ko ina suka shiga, in na gan su na gane su. Bari in kewaya wajengidan Waziri in na ga daya daga cikinsu a kira shi ya zo, in an matsa masa ya fadi abin da suka yi niyya. Da zan sami ganin wata tsohuwa da ta fara zuwa, da ta fi bayyana abin sosai.” Sai wani bawa ya sa shi a wuya, suka yi ta yawo unguwar Waziri, da wadansu katta uku kuma suna biye. Suna kawowa kofar wata ‘yar rusasshiyar bukka, sai aku ya kela cikin bukkar, ya ce, “Ga ta!”<br /><br />Kattan nan da ke biye suka kutsa kai ciki, suka jawo ta, suka iza keyata har gaban Sarki. Da Musa ya gan ta ya ce, “I, lalle ko ita ce, wannan aku abin nana sai a yi shiru.”<br /><br />Sarki ya tambaye ta abin da Waziri ya tashi kullawa game da Musa. Tsohuwa ta gigice, ta ce, “Iye, na’am! Allah ya ba ka nasara, wallahi tilasta ni ya yi.”<br /><br />Mahmudu ya mike, ya dube ta ya kashe ta da mari, ya ce, “Sarki ke tambayarki, ki gaya masa abin da aka tilasta ki yi.”<br /><br />Tsohuwa ta durkusa, ta fede wa Srki biri har wutsiya. Da Sarki ya ji haka sai ya aika duk dogarawansa suka zo ya ce, ‘Ku je ku kamo mini Waziri!” Dogarawa suka ruga.<br /><br />To, ashe tun sa’ad da aka kama tsohuwah nan wani ya tafi wurin Waziri, ya ce, “Ranka ya dade, na ga wadansu bayin Sarki guda uku da wani aku sun zo sun kama tsohuwar baiwarka ta nan bayan gida, ko lafiya?”<br /><br />Da Waziri ya ji haka, sai ya ce, “Lafiya mana.” Bai sake wata magana ba, sai ya shiga gida, ya sa aka daura masa sirdi, ko rawani bai tsaya nema ba, balle bara. Sai ya hau, ya sulale ta bayan gida ya fita gari, ba wanda ya gan shi.<br /><br />Da dogarwa suka zo, suka fada cikin gida suka tarad da Jakadiya, suka ce, “Ina Waziri?”<br /><br />Jakadiya ta ce, “lafiya, har cikin gida ba sallama?”<br /><br />Dogarawa suka iza ta, suka ce, “Je ki, ki yi mana iso.”<br /><br />Jakadiya ta shiga cikin gida. Jim kadan ta fito, ta ce, “Ai ba ya nan.” Dogarawa suna tsammani karya ta ke yi suka bazu cikin gida, wadansu suka tsare kofar zaure. Da suka yi nema ba su same shi ba, suka kama duk bayin gidan suka kai wa Sarki, suka ce ba su ga Waziri ba.<br /><br />Sarki ya ce, “Ya gudu ne.” Ya sa ‘Yan Doka su hau su bazu ko’ina, duk inda suka same shi su kamo shi.<br /><br />Aku ya dubi bayin nan na Waziri da aka zo da su, ya ce, “Ranka ya dade, ga ko shaidu da suka san abin da aka yi.”<br /><br />Sarki ya ce, ‘Ka san su?”<br /><br />Aku ya ce,, “Na san bakwai daga cikinsu, har ma ga wanda aka aika gun Sarki Sinari.”<br /><br />Sarki ya ce, “To, nuna mini su.”<br /><br />Aku ya tashi ya ce wa wani dogari, “Da wannan da wannan, kai su nan. Wadannan, ku ku komo nan. Kai, wancan da ke noke kai, komo cikin wadannan.” Ya dubi Sarki, ya ce, “Ga su Wadannan, su aka ce su boye nan kofar gida in Musa ya fito su kashe shi. Wadannan, su suka wo shirin mata suka zo shekaranijya, daren da za ka dawo. Wannan ko,” (ya nuna Barakai) “shi ne babban munafukin, shi aka fara aika wurin Sarkin Sinari ya nuna musu hanya. Shi kuma ne ya, shigo cikin gida bayan tsohuwan nan.”<br /><br />Da bayin nan suka ji haka sai suka dauka. “Wallahi, karya ya ke yi. Allah ya ba ka nasara, mun rantse har da rawaninka ba mu taba shigowa na ba.”<br /><br />Sarki ya dubi dogarawa, ya ce, ‘Ku tambaye su.”<br /><br />Dogarawa suka same su da duka, suna ihu. Sai Barakai ya ce, “Ni zan fadi gaskiya, na sai da raina don ubangijina ya yaba, ban sami kome ba sai duka, nan kuma in zo haka?” Sai ya kwashe duk a;’amarin ya gaya wa Sarki. Sauran da suka ga ba dama, su ma suka fadi gaskiya. Sarkiu ya sa aka daure su cikin gidansa.<br /><br />Aka kwana biyu, rana ta uku da azahar sai ga “Yan Doka sun zo da Waziri, sun kamo shi can kan iyaka, ya kusa ketare kasa, ya nufi sinari. Da aka zaunad da shi gaban Sarki, sai ya bata fuska, ya tashi da fada ya dubi Sarki yanan cewa, “Na mene ne za a aika ‘Yan Doka su kama ni, ban ci kayan kowa ba?”<br /><br />Sarki ya tashi da mamaki, yana tafa hannu yana cewa, “A’a! Ashe kamo ka suka yi?”<br /><br />Waziri ya harari ‘Yan Doka, ya ce, “Kamo ni suka yi mana.’<br /><br />Sarki ya ce, “Ni ban ce su kamo ka ba, cewa na yi su kira ka, in ji ko lafiya, don tun shekaranjiya waccan rabona da ganinka.”<br /><br />Da Waziri ya ji maganar lumana sai ya ce a ransa, “A’a! Ashe da ma asirina bai tonu ba na ke son tona kaina a wofi. Da ma na da ma san Sarkin nan gabo ne, ba ya gane kome. Kuma ko ma ba wawa ba ne, irin makircina ai ba mutum duka zai gane shi ba.” Sai ya ce, “Af, ashe Shamakina bai gaya maka ba?” Ai na tafi ganin wata goggona ce da aka aiko mini ba ta lafiya. Amma dai, Allah ya ba ka nasara. ‘Yan Dokan nan sun karya mini irli.”<br /><br />Sarki ya ce, “Sai ka yi hakuri da su. Da ma ina gaya maka sakarkaru ne, kai ke cewa suna da kirki.”<br /><br />Waziri ya harari ‘Yan Doka, ya ce, “na rantse har da girmanka, ba na iya yafe musu, tun da suka ci zarafina haka. Su duk sai daure su yanzu. Ko mahaukaci ai ya san abin da ya kamata.<br /><br />Sarka ya ce, “Ai kai ne da mulki, sai ka yi abin da ka ga dama da su. Amma bari in tambaye ka abin da ya sa na kira ka tukun. Tun da na dawo ban sami damar tambayarka wani abu ba game da gidana da na bar maka amana.”<br /><br />Waziri ya ce, a ransa, “A’a! Ka ji tsohon banza da wata irin tambaya.” Sai ya dube shi, ya ce, “Ka tarad da wani abin tashin hankali ne? Ai ni ban yi wasa da gidan nan ba, da kaina na ke fitowa da tsakad dare in kewaya.”<br /><br />Sarki ya c,e ‘Na san haka. Amma wadansu takardu ne aku ya nuna mini wadanda ban gane kansu ba.” Ya dubi aku, ya ce, ‘Je ka, kawo su.”<br /><br />Aku ya tashi ya kawo su, ya zube gagban Sarki.<br /><br />Da Waziri ya ga takardun nan, sai cikinsa ya ba da kulululu. Ya kwaikwayon hannuna. In ka bibiya ma shegen akun nan ne. Amma, Allah ya ba ka nasara, ya kamata a tsawata masa, in zai yi wasa, ya rika yi da tsarar-rakinsa su ungulu da jemage!” Ya fashe da dariya, wai shi gwanin ba’a. Ya daga kai ya dubi Sarki, ya ga shi bai yi dariya ba. Ya dubi Musa, ya ga shi ma hakanan. Ya juya ga Mahmudu, ya ga kowa kinne. Aku ko ma, sai wasansa ya ke yi da kwayar gyada, kamar bai ko ji abin da a ke fadi ba. Sai idonsa ya raina fata.<br /><br />Sarki ya dubi Sarkin Dogarai, ya ce, “A zo da mutanen nan.”<br /><br />Dogarawa suka duru da gudu cikin gidan Sarki, suka fito da bayin nan na Waziri, kowanensu an bankare shi.<br /><br />Da Waziri ya gan su sai gabansa ya fadi. Ya gyara zama, ya duba gabas ya duba yamma, ya ga kowa ya kura masa ido.<br /><br />Sarki ya dube shi, ya ce, ‘Ka san wadannan?”<br /><br />Waziri ya ce, “Ka ji kaina, ka yafe ni, ba don halina ba!”<br /><br />Mutanen gari da aka tara suka yi ta duban Waziri, ba su san abin da ke ciki ba.<br /><br />Mahmudu ya tashi, ya kashe Waziri da mari ya ce, “Sarki ke tambayarka, ka san su, ka dame shi da magiyar banza!”<br /><br />Waziri ya dubi Barakai, ya ce, “Kai ne amintaccen bawana, don Allah bayyana musu sosai, su san ba ni da laifi cikin wannan al’amarin.”<br /><br />Barakai ya ce, “A’a! Ba ka da laifi? To, wa ke da shi?” Makirin banza!” Ya gusa gaba, ya daga murya ya fadi duk makirce-makircen da Waziri ya kulla game da Sarkin Sinari, da game da Musa, bai rage kome ba.<br /><br />Da mtane suka ji haka sai suka yi salati, suka taso wa Waziri gaba daya kamar za su cinye shi danye, sai da dogarawa suka shiga tsakani.<br /><br />Sarki ya ce musu, “Ku dakata tukuna, ai ba a kare ba.” Shi kuma ya kwashe labarin yadda aku ne ya yi ta kokari ya kubutad da su daga zama bayin Sarkin Sainari. Ya kuma gaya musu yadda ya hana Musa ya fita waje, don a gane abin da Waziri ke hannu, suka dubi aku, suka dubi Waziri. Sai suka fara dibar kura za su yi masa ature, sai da Sarki ya tsawata.<br /><br />Da suka dakata ya sake dubansu, ya ce, “To, jama’a, ku dubi laifin nan na Waziri. Wanda ya aikata haka me ya kamata a yi masa?”<br /><br />Jama’a suka dauka gaba daya, “Sai a tsire shi! Da shi ai halaka mu ya tashi yi, don Allah ya ki nufinsa. Da ma ba mai kaunarsa garin, don mugun halinsa.”<br /><br />Sarki ya ce, “Na ji tasa. To, wadannan mutanen ko fa?” Jama’a suka ce, “Su ma sai a tsire su, abin da ya ci Doma ai ba ya barin Awai.”<br /><br />Musa ya ce, “A’a, tun da dai Allah ya ki aniyarsu, ya gama fuskokimmu a Mahmudu lafiya, ga shi kuma Sarki ya ciwo nasara, sai a yafe su.”<br /><br />Sarki ya ce, “Gaskiya ne, Musa. A kwance su.” Aka sake su, suka zo suka fadi gaban Sarki suka yi godiya, don da sun tabbata za a kashe su. Mutane suka yi mamakin Sarki a kan wannan nasiha.<br /><br />Sa’an nan Sarki ya tashi tsaye, ya ce wa jama’a, “To, mun ga inda wadannan tasu ta kwashe. Amma ina tambaya, shin don me a ke yin Waziri?”<br /><br />Jama’a a suka ce, “Don, ya rika taimakon Sarkin gari shawara, yana kwabe abin da zai cuci jama’a, ba kamar wannan ja’iri ba. Allah ya kiyashe mu da halinka!”<br /><br />Sarki ya ce, “In don haka ne, na nada wannan aku Wazarina. Da shi zan rika shawara.” Ya dubi mutane, ya ce, “Ko kuwa kun ga bai isa a yi shawara da shi ba, don yana tsuntsu?”<br /><br />Jama’a suka ce, “Wane irin isa? Wanda ya yi wadannan abubuwa a ce bai isa ba? Wanan tsuntsu ai baiwa ce Ubangiji ya nufe mu da ita, wa ke da ikon jayayya da nufin Allah? Mu dai wallahi mun so, mun so.”<br /><br />Sarki ya dubi dogarai ya ce, “A kama Waziri, a daure shi cikin jaka da ya bayar a sa Musa, a tafi da shi a jefa cikin kogi, yadda ya yi niyyar yi wa Musa. Ku kuwa Sarakunana da makada, a tafi a kai Waziri Aku gidan Waziri, a fid da matansa na aure, sauran ko duk abin da ke gidan an ba shi.” Sarki ya tashi ya shiga gida. Duk fada ta yamutse, wadansu suka nufi wajen da za a kashe Waziri, wadansu suka bi sabon Waziri, ana ta goce ganguna da kakaki. Aku kuwa yana bisa wata karanga ta zinariya, an sa laima, katta na dauke da shi. Sai makada ke ta binsa suna waka:<br /><br />Haba jama’amu, ku zo mu yi caffa,<br /><br />Gunsa Waziri, mazajen aiki.<br /><br />Masu rabo da yawa mai ba mu!<br /><br />Sannu da sirdi, tsuntsun kirki!<br /><br />Da ba don shi ba, masu fasaha,<br /><br />Da yanzu da muna Sinari.<br /><br />Ga wani sauna, don sakarci,<br /><br />Ya yi butulci, ya bashe shi.<br /><br />Ikon Allah wa zai ki shi?<br /><br />Kowas saba yai jahilci.<br /><br />Ka sai mana doki, baba Waziri,<br /><br />Muje mu gwada wa mutan Sinari.<br /><br />In ba donka ba, mai cika aiki,<br /><br />Da wani mun ga irin bautanshi.<br /><br />Masu fasaha, masu basira,<br /><br />Mai tauhidi, Sarkin ilmi!<br /><br />Ga ni a durkushe, na roke ka,<br /><br />Ya Allahu ka gafarce ni.<br /><br />Aka kai aku gidan Waziri, ya debi dawaki uku daga cikin wadanda ya samu gidan Waziri, ya ba makada da suka rako shi. Ya sa bayi su yi ta gadinsa. Aka yi ta shagalin saraunta har kwana bakwai. Da aka natsa, Sarki ya sami matan aku guda hudu ya sai wa sabon Waziri. Duk inda Sarki ya ji wani na da aku, in mace ce, sai ya sayo ya kawo wa Wazirinsa, watau kwarakwarai.<br /><br />Ana nan, bayan ‘yan kwanaki daya daga cikin matan nan na Waziri Aku ta yi kwai. Bayan kamar kwana ashirin ta kyankyashe wani dan aku namiji. Ya sa masa suna Fasih, ya sa wani bawa ya yi ta kiwonsa.<br /><br />Waziri Aku ya yi zamansa, yana ta muskakar sarauta. Ba ya shan ruwa sai da sukar, shinkafa ko ba ya cinta sai an dafa an sa gishiri da mai.</div> <div style="text-align: center;"> <br /></div> <div style="text-align: center;"> To Mai karatu anan ne muka kawo karken MAGANA JARI CE LITTAFI NA DAYA.</div> <div style="text-align: center;"> Ni yasima suleiman nake muku fatan alkhairi, muhadu a littafi na biyu.</div> <div style="text-align: center;"> Karda kumanta da muna da bukatar ku rika turawa izuwa yan uwa da abokanai.</div> </div>

MAGANA JARI CE 1 SAURI YA HAIFI NAWA

MAGANA JARI CE LITTAFI NA DAYA labari na ashirin da tara SAURI YA HAIFI NAWA Sauri Ya Haifi Nawa       An yi wani Sarki na...

Cigaba da Karatu

LABARIN SHEHU DAN FODIYO DA WANI MALAMI

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da takwas</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEhryrm3-Xy3Su7h_zF5LSfxyKUhvpsmeQmNfsdEq0bdCoUf0CzNXMqQYH-tw-eXffCyZRlXU1KP0D6pe7fUdMBfixYAu-iHSKp9YZaKDHNRuV4erAJ3f5GgKv_AiBXpyUOs8NS32kiNo_SP/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEhryrm3-Xy3Su7h_zF5LSfxyKUhvpsmeQmNfsdEq0bdCoUf0CzNXMqQYH-tw-eXffCyZRlXU1KP0D6pe7fUdMBfixYAu-iHSKp9YZaKDHNRuV4erAJ3f5GgKv_AiBXpyUOs8NS32kiNo_SP/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> LABARIN SHEHU DAN FODIYO DA WANI MALAMI</div> <div style="text-align: center;"> <br /></div> <div style="text-align: center;"> Labarin Shaihu Dan Hodiyo da Wani Malami <br /><br />      Wata rana wani malami daga gabas da ya ji labarin Shaihu sai ya yiwo wa Sakkwato tsinke, ya zo ya ga abin da a ke fadi da idanunsa, domin an ce gani ya kau da ji. Da ya kusa da Sakkwato ya yi shiri irin na alhazai, ya shiga kokuwa, ya tafi wajen Shaihu Mujaddadi, ya ce, “Ina da fatawa, ya Shugabana.”<br /><br />Shaihu dan Hodiyo ya amsa, “Allah ya sanasshe mu!” Mutumin nan ya ce, ‘Ya Shugabana, da me a ke miya a nan kasarku?”<br /><br />Shaihu ya ce, “Da kuka, da gishiri, da tosshi, da daddawa.”<br /><br />Mutumin nan ya ce, “To, ashe sun sha bamban da na kasarmu.” Ya yi ban kwana da Shaihu, ya fita. Shaihu ya ci gaba da sha’anin da ya ke ciki na jihadi. Aka ci kasashe, aka ba wadansu tutoci, sai can bayan shekara biyu har an manta da wannan mutum da ya yi tambaya, sai mutumin nan ya dawo, ya sami irin kayan Hausawa, ya yi shiri yadda ba mai ganewa shi ya zo bara waccan. Ya tafi wajen Shaihu ya gaishe shi, ya c,e “Da me kuma?”<br /><br />Da ya ke Shaihu dan Hodiyo a;’amarin nasa ya yi nisa, ya tuna tambayar bara. Ya dubi mutumin nan, ya ce, “Idan da wadata a kan sa nama.”<br /><br />Ko da bakon nan ya ji haka, sai ya fadi ya nemi Shaihu dan Hodiyo gafara, ya sallame shi ya koma garinsu.<br /><br />“Tsakaninka da Allah, Allah ya ba ka nasara, ka taba jin wannan irin labari na Shaihu Mujaddadi in ba yau ba?”<br /><br />Musa ya ce, “Gaskiya dai, ban taba ji ba. Shin don Allah ko kai ka kaga shi yanzu?”<br /><br />Aku ha kada kai, ya ce, ‘Haba, Allah ya ba ka nasara, wallahi ba yanzu na kera ta ba, ni ma haka na ji shi. Ko mutum na hauka, irin karairayin nan da a ke wa tatsuniyoyi a yi wa tarihi kamar na Shaihu Mujaddi dan Hodiyo? Haba, a wargi wuri ya ke yi.”<br /><br />Musa ya ce, ‘To, ko da ya ke haka, kana tsammani wannan ya fi wanda na gaya maka jiya ban mamaki?”<br /><br />Aku ya ce, “Allah ya ba ka nasara, ai ba gardama na ke ja da kai ba. Wadannan al’amura ne na waliyyai, idan aka yi zurfi ciki, sai a tasam ma yin aabo. Ba mu da wata ta cewa, sai Allah ya ba mu albarkacinsu, amin, amin, amin!”<br /><br />Musa ya ce, “Gaskiya ne, Allah dai ya kiyashe mu azabobin Jumma’ar da ba ta da Asabar, domin alfarmar Shugaban talikai!” Ya juya zai tafi.<br /><br />Aku ya ce, “Af, Allah ya ba ka nasara kana ya sami me?”<br /><br />Musa ya waiwayo, ya ce, “Kana ya sami me fa?”<br /><br />Musa ya ce, “Me ka ke nufi da Kana ya sami ne?” Wa ka ke maganarsa? Wane abu zai samu? In kana tambayar wani abu ne ka fadi mu ji. Kai ba abin da ke dibarka sai samartaka. To, ni na aske.”<br /><br />Aku ya duka, ya ce, “Allah ya huci zuciyarka, yallabai, Sairam ta,bauar da ma uo ,ala jiya, da na so in gani in ka iya lyad da jawabin da ka fara ba ni, don ka ce tarihin da na bayar yanzu na Shaihu Mujaddadi ba shi ba bam mamaki kamar wanda ka bayar jiya.”<br /><br />Musa ya ce, “wane tambaya ka yi mini jiya?”<br /><br />Aku ya bushe da dariya, ya ce, “jiya-jiya har ka manta, rankaya dade? Na tambaye ka shin sai mutum ya sa me da me a jikinsa za a san lalle ya yi ado, ba kushewa To, ina ga wannanda aka yi da shekara biyu?<br /><br />Musa ya dubi aku ya ce, “Ho dan nema! Kai dai ba ka barin ko ta kwana, duk inda mutum ya fito maka kana make kana ko ta kwana, duk inda mutum ya fito maka kana make kana kallonsa.” Ya duba haka sai ya ga gari ya waye, ya harari aku, ya ce, “In don mugunta ka ke mini wannan abu, ba kome, Allah ya isa.” Ya shige gida.<br /><br />Azahar na yi sai ga Sarki Abdurrahman ya aiko da dan bushara an ci nasara, gobe kuwa tun d safe ga shi nan tafe. Musa ya tambaya. “Ina Mahmudu? Ya warke? Dan busharan nan ya ce, “Ai da ma ba bain da ya same shi, gove ka gan shi.” Kafain Musa ya sami damar tambayarsa sai ya hau ya koma, don an ce kada ya zauna. Duk gari ya rude da gude-gude, ana ta murna, Waziri ko sai ka ce an yi masa mutuwa.<br /><br />Magariba na yi sai ya kira wadansu samari hudu daga cikin yaransa, ya gaya musu abin da a ke ciki duka, ya yi alkawari in sun yi kokarin da suka kashe Musa daren nan na yau, ko da su murde wuyansa ne, shi ko ya ba su fam ashirin ashirin.<br /><br />Bayin nan suka ce, “Don wannan har wani aiki ne?” Suka shiga neman kayan ado irin na mata suna sawa.<br /><br />Aku kuwa da ya ke ya san haka zai faru, magariba na yi sai ya ce wa Musa, “Yallabai, yau bai kamata a yi barci ba, sai mu koma babban zaure, mu gamu da bayin nan a yi ta hira.”<br /><br />Musa ya ce, “Ai ko hakanan ne,” Aka kai kujera, Musa ya tafi ya kame bisa, bayi suka kewaye shi.<br /><br />Jimawa kadan aku ya biyo, ya duba ya ga bayin nau ba mai wani makami kusa da shi, sai ya ce, “Ashe ku duka mata ne, yaya za a bar ku kumu ku rika zama ba mai ko sanda? Halal kun manta da duniya.” Bayi suka ga gaskiyarsa, kowa ya dauko takobinsa ya zare ya aijye a gabansa, aka shiga hira.<br /><br />Can lisha sai ga bayin nan na Waziri su biyar, har da Barakai, suka shige gida sai ka ce mata, aku kadai ya gane maza ni. Suka sami wani zaure suka make, su ba su cikin gida, su kuwa ba su waje. Suna nan suna jiran Musa ya shigo, don su tarye shi nan su halaka shi, hira ta ki karewa. In aku ya ga za su dan dakata sai ya yi musu wani abin dariya. Suka yi ta yin haka har asuba ta yi.<br /><br />Da aku ya ga sun gaji da hira, wadannan sun fara gyangyadi, sai ya ce, “Bari in yi muku wani labari mai dadi.”<br /><br />Musa ya ce, “Ai ko hakanan ne, ku tsaya ku ji fasaha wurin dan tsuntsun nan nawa.” Wadanda ke jin barci suka murje idanunsu.<br /><br />Aku ya sami ruwa ya kora, ya yi kaki ya zubad da yawu, ya fara.</div> </div>

MAGANA JARI CE 1 LABARIN SHEHU DAN FODIYO DA WANI MALAMI

MAGANA JARI CE LITTAFI NA DAYA labari na ashirin da takwas LABARIN SHEHU DAN FODIYO DA WANI MALAMI Labarin Shaihu Dan Hodi...

Cigaba da Karatu

LABARIN SHEHU DAN FODIYO DA MADUGU

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da bakwai</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEjwgZp14vL0xPaOIMT7a276_hp2wngfveHt0E4NP87Vcq_OT9ff4JThk_F24FDpbYUMYlAX1fBGeycyvkTLw-bSbW5Pzug-geEYn1x8e2XazcD6Qwc4dhBBVfZtXpaBbgM18sIDfEoAS23L/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEjwgZp14vL0xPaOIMT7a276_hp2wngfveHt0E4NP87Vcq_OT9ff4JThk_F24FDpbYUMYlAX1fBGeycyvkTLw-bSbW5Pzug-geEYn1x8e2XazcD6Qwc4dhBBVfZtXpaBbgM18sIDfEoAS23L/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> LABARIN SHEHU DAN FODIYO DA MADUGU</div> <div style="text-align: center;"> <br /></div> <div style="text-align: center;"> Labarin Shaihu Dan Hodiyo Da Madugu <br /><br />      Wata rana wani madugu yana dawowa daga Gwanja, ya iso Kwara ya shiga jirgi. Suna kan tafiya cikin jirgin nan, sai igiyoyin Kwara suka murda, jirgin ya yi nan tangan tangan, ya birkice. Sai madugun ya kama, “Shaihu dan Hodiyo, ka taimake mu! Shaihu dan Hodiyo, ka yi agaiji! Ni dai kam wallahi in na kubuta daga wannan halaka, in na je Sakkwato sai na kai maka sadakar goro kwaraya goma.” Yana fadin haka sai ya ga wani ya zo ya kama shi, ya fid da shi duk da kayansa. Ya duba ya ga kowane ne, sai ya ga ba kowa.<br /><br />To, a cikin wannan lokaci kuwa Shaihu Mujaddadi dan Hodiyo yana Sakkwao, yana ba da karatu, kuma yana wa’azi ga jama’a. Sai aka ga ya yi shiru. Can sai aka ga yana matsa hannun rigarsa, ruwa na zuba tsurururu. Jama’ar da ke nan suka nemi bayanin wannan al’amari daga gare shi.<br /><br />Shaihu ya ce, “Wani bawan Allah ne ya nemi taimakommu a Kwara da jirginsa ya kife. Allah ya nufa muka je muka taimake shi.”<br /><br />Jama’a suka rike baki suna cewa, “Allah ya sa mu cikin ceton Annabinsa, ya ko ba mu albarkacinku, Mujaddadai!”<br /><br />Bayan an yi kusan wata biyu, ran nan sai ga madugun ya zo Sakkwato, ya debi goro kwarya uku ya tafi wajen Shaihu ya kai masa don ya cika alkawari, ya kuma nemi albarka. Bayan ya gaishe shi, ya gaya masa abin da ya faru duka ga jirginsu sa’ad da suna tsakiyar Kwara, da kuma yadda ya roke shi, ya zo ga taimakonsa, ya ga kamar wani ya zo ya fid da shi, amma da ya duba bai ga kowa ba. Shaihu dan Hodiyo ya tambaye shi wace rana ce wannan hadarin ya auku, kama nawa ga wane wata ne.<br /><br />Madugu ya fadi ranar da watan, ya lissafa kuma ya fadi kwanan watan sa’ad da wannan a;’amari ya auku. Da almajiran Shaihu su kuma suka lissafa, sai suka ga ya kama daidai da ranar da Shaihu Mujaddadi ya yi shiru cikin wa’azi yana matsar hannun rigarsa. Abin ya kara ba da mamaki.<br /><br />Madugu ya fitad da goro ya mika wa Shaihu, ya ce, “Ga abin da na yi alkawari zam ba ka in Allah ya nufa na kubuta.”<br /><br />Shaihu dan Hodiyo9 ya yi godiya, ya karba ya ajiye, ya yi murmushi, ya dubi madugun, ya ce, “Ai ko ba ka cika alkawari sosai ba. Kwarya goma ka ce, ga shi ka kawo uku.”<br /><br />Madugu ya rasa abin da zai ce don kunya, ya tafi gida ya ciko kwarya bakwai ya kawo wa Shaihu, ya fadi ya yi godiya, Shaihu ya karba, ya raba wa mutanen da ke nan sadaka.<br /><br />Musa ya dubi aku, ya ce, “Ka ji labari daya da ba ka sani ba cikin mu’ujizozin Shaihu Mujaddadi dan Hodiyo. Yanzu kana daya. In dai ga labarun Shaibh ne, in na fara na iya gaya maka goma ba ka sami wanda ka sani ba.”<br /><br />Aku ya tuma nan ya tuma can, ya karkata kai, ya ce, “Allah ka ga duk da haka sai da ka yi babban kuskure cikinsa. Shi ya sa ka ruda ni, na ji kamar ban sani ba.”<br /><br />Musa ya ce, “To, ka fara ba? Kai dai wani ba ya yin abin kirki in ba kai ba. Wannan labari na ji shi ya fi sau kam, amma duk ban taba jin inda suka saba ba.”<br /><br />Aku ya ce, “Saurara, Allah ya ba ka nasara, abin da na gaya maka duk na labarin Shaiju dan Hodiyo sai ka yarda, Madugu da ka ce ba madugu ba ne, farke ne. Ai ka ji batan da ka yi.”<br /><br />Musa ya ce, “Wasalam! Ka ji ka ba? To, me ya raba dambe da fada?”<br /><br />Aku ya yi dariya, ya ce, “Allah ya ba ka nasara, zage-zage.”<br /><br />Sai Musa ya yi dariya, ya yi tsaki, ya ce, “Kai dai ba ka gajiya da surkulle. Ko mutum ya tashi yin hushi da kai sai ka ba shi dariya. Allah ya kai mu dare, kai ka gaya mini naka wanda ba mutum duka ya sani ba. In na bi taka yanzu, har lokaci, ya wuce ban yi salla ba.”<br /><br />Aku ya kada fiffike, ya ce, “Allah ya kai mu. Amma ina da fatawa. Don Allah, Shugabana, shi sai mutum ya sa da me da me a jikinsa za a san lalle ya yi ado, ba abin kushewa?”<br /><br />Musa ya ce, “Kai fa na san ka, wadansu tambayoyinka duk na ba’a ne. Kai ba ka kan gani da kanka ba? Ai ko tsuntsu ya san ba abin da ke kambama mutum irin ya sa wando mai zina, da jabba, da riga aska takwas a binanta, kana ya sami--.”<br /><br />Aku ya ce, “Allah ya ba ka nasara, ai ma ado ya kare. Kada in tsai da kai, sai da dare.”<br /><br />Musa ya ce, “Allah ya kai mu da alheri.”<br /><br />Da dare ya yi, barci ya share Musa, sai can da asuba ya farka ya tashi, ya shiga damaru, ya dauko mashi ya zo wajen aku, ya ce, “Madalla, ai kowa ya yi karyar dare gari ya waye! Ka ce labarin Shaihu da na bayar jiya ko na goye ya san shi. To, ina son in ji naka wanda ba a sani ba.” Aku ya kada fiffike, ya dukad da kai, ya c,e “Allah ya ba ka nasara, yanzu ko ka ji.”</div> </div>

MAGANA JARI CE 1 LABARIN SHEHU DAN FODIYO DA MADUGU

MAGANA JARI CE LITTAFI NA DAYA labari na ashirin da bakwai LABARIN SHEHU DAN FODIYO DA MADUGU Labarin Shaihu Dan Hodiyo Da...

Cigaba da Karatu

LABARIN SHEHU MUJADDADI DAN HODIYO DA UMARU MU ALKAMU

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da shida</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEgV3jHoUcKR2104hoHdkNdvvqlUs30Ys2Mq3btB5pWemsUk7LkGk9JcS4qPLYCUUn6zAg1yU_js9_OVKXVE-CClbsQdOo6xRmjooXkNlVDCgCwa76fuKqKAiuM_ldh9VZnbb2NRaEqOtQxi/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEgV3jHoUcKR2104hoHdkNdvvqlUs30Ys2Mq3btB5pWemsUk7LkGk9JcS4qPLYCUUn6zAg1yU_js9_OVKXVE-CClbsQdOo6xRmjooXkNlVDCgCwa76fuKqKAiuM_ldh9VZnbb2NRaEqOtQxi/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> LABARIN SHEHU MUJADDADI DAN HODIYO DA UMARU MU ALKAMU</div> <div style="text-align: center;"> <br /></div> <div style="text-align: center;"> Labarin Shaihu Mujaddadi Dan Hodiyo Da Umaru Mu’alkamu <br /><br />      Wata rana, sa’ad da Shaihu dan Hodiyo na Sifawa, sahabbansa suka taru ana tadi, daga nan sai wani daga cikin sahabban Shaihu wanda a ke kira Umaru Mu’alkamu, ya dubi mutane, ya ce, “Kai, ina ko son goro, ko akwai wani mai dan tsalli ya ba ni in ciza?” Mutane suka ce duk ba mai saura.<br /><br />Shaihu na kallonsu, ya yi kamar bai ji ba, sai can, har an saki wannan magana, ya dubi Umaru Mu’alkamu, ya ce, “Tashi mu je shan iska bayan gari.”<br /><br />Umaru Mu’alkamu ya ce, “To.” Ya tashi, suka tafi, Shaihu na gaba, yana biye. A lokacin nan ko la’asar ta yi sakaliya. Da fitarsu kofar gari, sun dan taba tafiya kadan sai suka kai ga wani dan rafi, suka sa kafa suka tsallake, sai suka isa wani daji, Umaru Mu’alkamu ya duba, bai ga kome ba sai itatuwan goro ko’ina.<br /><br />Shaihu ya dube shi, ya ce, “ka ce kana kawar goro, to, ga su nan, debi iyakar abin da ke isarka.”<br /><br />Umaru Mu’alkamu ya shiga diba yana mamaki, ashe akwai dawan goro kusa da Sifawa ba a sani ba? Ya cika aljihunsa, ya ce wa Shaihu dan Hodiyo, “Ai wannan ya ishe ni, Allah ya gafarta malam.” Nan da nan suka tsallako dan rafin nan suka komo gida.<br /><br />Ana nan, bayan ‘yan kwanaki kadan goron da Umaru Mu’alkamu ya debo tare da Shaihu ya kare. Da ya ga dai dawan goron nan ba nisa gare shi ba, sai ya tashi shi kadai ya kama hanyar da suka bi da Shaihu, yana sauri ya je ya debo kafin hantsi ya yi zafi. Ya yi ta tafiya, ya yi ta tafiya har rana ta take tsaka cur bai ga ko alamar ya kusa da wurin ba. Sai ya yanke kauna, ya juyo. Kafin kuma ya iso sai da la’asar ta yi sansanya. Da isowarsa bai zame ba sai wajen Shaihu. Suka gaisa, ya dubi Shaihu, ya ce, “kai, yau na ga tasku!”<br /><br />Shaihu ya ce, “Me ya same ka haka, har ka ke yaba wahalar da ka sha?”<br /><br />Umaru Mu’alkamu ya ce, “Ai tashi na yi tun da safe, wai in tafi dawan nan na goro da muka je da kai shan iska kwanan baya na debo, in sake karowa. Na yi tafiya har Allah ya gajishe ni, ban ga na kai ko dan rafin na ba. Da na ga rana ta yi tsaka dai, sai na rufa wa kaina asiri na dawo. Ka ga tun sa’an nan isowata ke nan, ko ruwa ban biya gida na sha ba.”<br /><br />Shaihu dan Hodiyo ya dube shi, ya yi murmushi ya ce, “Da ka san inda muka tafi fitarmu ran nan, da ba ka ce za ka bi ba. Ai cikin dawan Gwanja na kai ka ka samo goron.” Umaru Mu’alkamu ya rike baki. Shaihu ya ce, “Ka ga dan rafin nan da muka sa kafa muka tsallake kafin mu shiga dawan goron?”<br /><br />Umaru Mu’alkamu ya ce, “Na gani.”<br /><br />Shaihu ya ce, “Wannan ai kogin Kwara ne ka ga ya tsulance hakanan.”<br /><br />Umaru Mu’alkamu bai sami ta cewa ba, sai ya kada kai kawai, ya ce, “Allah ya ba mu albarkacinku!”<br /><br />Da Musa ya ji haka sai ya ce, “Af, wannan ai ina tsammani ma shi na fara ji cikin mu’ujizozin Shaihu dan Hodiyo. In dai za ka ba ni wani labari, na yarda ka ba ni, amma na Shaihu wannan namu ne, sai mu ba wani, muddin dai an yi shi. Gama ko labarin jihadin da ya yi, da biranen da ya gina, da wadanda ya ba tutoci, duk a kaina su ke.”<br /><br />Aku ya gyara fiffike, ya ce, “Ai, ni ma hakanan, Allah ya ba ka nasara, ko da na ke tsuntsu sai dai in ba wani labarin Shaihu dan Hodiyo, ba wani ya ba ni ba.”<br /><br />Da Musa ya ga aku ya tsunke da surutai yana yabon kansa, sai ya ce, “Tsaya! Mene ne na yabon kai? Yabon kai jahilci. Ni ba wani surutu na ja ka ba, balle ka cika mini kunne haka. Cikin labarin mu’ujizozin Shaihu dan Hodiyo yanzu zan gaya maka wanda ba ka sani ba, in kura ka. Ba na ma takalo labarin jihadi ko labarin asalinsa balle ka ce na yi zurfi shi ya sa ka kasa. Shiga kidaya, sai na gaya maka uku wadanda a ka sani ba, sa’an nan in shiga in yi azahar, na ji an yi kira.”<br /><br />Aku ya ce, “to, ba sai ka fara ba mu ji? In dai lalle an yi shi, ai sai na gani.”<br /><br />Musa ya ce, “Da fari ma ba ka san wanna ba. Wata rana sa’an nan Shaihu dan Hodiyo na yaro, suna zaune a Dagel da shi da ubansa Hodiyo. Ran nan Hodiyo ya shiga ya yi alwala su yi azahar, sai ya kira Shaihu ya ce, “Zo in aike ka Murnona—“<br /><br />Aku ya yi farat ya karbe ya ce, “Wanda Shaihu ya tafi ya dauko littafi har ya dawo uban bai gama alwala ba? Shaihu ya yi alwala ya bi shi aka yi sallar da shi? Alhali kuwa daga Dagel zuwa Murnona zango guda ne ga mai kaya?”<br /><br />Musa ya ce, “Me ka ke faranniya haka don ka gane na fari? In ka san wani ka san wani ne?”<br /><br />Aku ya ce, “To, fadi mana ju ji, Allah ya ba ka nasara.”<br /><br />Musa ya ce, “Wata rana Sarkin Gobir Wuro Nafata ya aika a kira Shaihu dan Hodiy9o kamar abin girma—“<br /><br />Aku ya karbe ya ce, “—ashe ko nan ya sa an gina rami mai zurfi, ya kafa wukake da masu ciki, ya sa an rufe ramin da tabarma, don in Shaihu ya zo ya ce ya zauna nan ya fada ciki ko? Shaihu kuwa ya zo ya zauna, bai fada ba. Sarkin Gobir ya daga wata bindiga da ke gare shi nana boye zai harbi Shaihu, bindigar ta fashe. Sarkin Gobir duk ya kokkone. In ko ba wannan mu’ujizar ba, wata ka ke nufi ka fadi mu ji, Allah ya ba ka nasara.”<br /><br />Musa ya ce, “A’a! Ashe dan tsuntsun nan a yi da shi. Ya dubi aku, ya ce, “Ka san labarin Shaihu da madugu?”<br /><br />Aku ya ce, “Shaihu da madugu? Wane labari ne kuwa na Shaihu da madugu wanda ba sani ba? An ko yi shi? Allah ya ba ka nasara, sai ka fadi mu ji.”</div> </div>

MAGANA JARI CE 1 LABARIN SHEHU MUJADDADI DAN HODIYO DA UMARU MU ALKAMU

MAGANA JARI CE LITTAFI NA DAYA labari na ashirin da shida LABARIN SHEHU MUJADDADI DAN HODIYO DA UMARU MU ALKAMU Labarin Sh...

Cigaba da Karatu

RAINA KAMA KAGA GAYYA

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da biyar</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEix-Sls34IHm0Zx5CvBxEW069dT6bh-EUeXvsoQlvLXyvSywH5Px_Lu5-ew041sNFOPrE2CDUWdmAWTmUzS8AK7FcD1xqtmKAzhm1T_9fVhgNUTQnUMYoXLSO4jEuGdJON2ny0eLiZy47Ue/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEix-Sls34IHm0Zx5CvBxEW069dT6bh-EUeXvsoQlvLXyvSywH5Px_Lu5-ew041sNFOPrE2CDUWdmAWTmUzS8AK7FcD1xqtmKAzhm1T_9fVhgNUTQnUMYoXLSO4jEuGdJON2ny0eLiZy47Ue/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> RAINA KAMA KAGA GAYYA</div> <div style="text-align: center;"> <br /></div> <div style="text-align: center;"> Raina Kama Ka Ga Gayya <br /><br />      Wata rana yautai yana kiwo a bayan gari sai tarko ya kama shi. Ya yi ya yi ya kubuce, ya kasa. Yana nan yana kuci-kuci sai ka wani tsohon kare ya zo. Da yautan nan ya gan shi sai ya ce masa, “Don Allah, wannan kare, ka dubi zumunci, ka ji kaina, ka sake ni, kai kuma Allah ya taimake ka.”<br /><br />Kare ya tsaya kamar ya ki, ko kuwa ya dan cinye shi ne ya wuce. Ya ga dai kamar ko ya ci, shi, ba zai san inda ya nufa ba. Sai ya tafi kusa da shi, ya sa baki ya tattaune tarkon nan, yautai ya kubuta. Da yautai ya ga an kubutad da shi sai ya yi wa kare godiya, ya tambaye shi inda za shi. Ya ce za shi neman abinci ne.<br /><br />Shi kuwa kafin ya zo nan a kama shi a tarko, ashe ya ga inda wata ‘yar akuya ta mutu, aka kai gindin wata itaciya aka yar. Saboda haka ya ce wa kare ya zo ya kai shi, kafin dare ya yi kuraye su cinye. Ya tashi, kare yana bin inuwarsa har suka isa wurin. Kare ya tsaya, ya sa hakori ya barke cikin akuya, ya ci ya tafi ka ga shekata, kullum in ka matsu da son abinci ka zo, ni kuwa in tashi in kewaya gari, inda na ga wani abin da za ka iya ci in zo in kira ka mu tafi.”<br /><br />Ya ce, “To, madala! Mu tafi in gani.”<br /><br />Da saka fara tafiya suka kai kan titi, sai ya ce, “Wallahi naman nan da na ci ya kusa ya kware ni, da za ka dan dakata mini in kwanta nan in huta kadan, da na so.”<br /><br />Yautai ya ce, “Ai gaskiyarka. Kwanta ka huta, in kana son barci ma yi, ni kuwa zan hau nan in tsaya in na ga yara zan gaya maka ka tashi, don kada su buge ka.”<br /><br />Kare ya ce, “To, madalla!” Kwantawarsa ke da wuya sai barci ya share shi. Can an jima kadan sai ga wani tafe da keken shanu, masa, “Kai mai keke, kai mai keke, yi kwana, don kada ka take mini dan’uwa, ga shi nan yana barci.<br /><br />Mai keke ya Harare shi da fushi, ya ce, “Wane ne dan’uwanka da ka ke tsai da ni dominsa?”<br /><br />Ya nuna masa kare da ke barci, ya ce, “Ga shi nan.” Mai keke ya dubi kare, ya yi tsaki, ya ce, “Da ma don saboda kare ka tsai da ni? karen me? Kai ar, Allah wadanka!” Sai ya kora shanunsa suka bi ta bias karen. Bai ko shura ba, ya mutu, hanji waje.<br /><br />Yautai ya tashi ya bi shi yana kuka, yana cewa, “Wayyo ni, kaico kaina, ka kashe mini dan’uwa, bai ci ba bai sha ba. Na yi maka magana ka lura, ka ki, dona ka raina ni. To, yadda ka sa na zubad da hawayena yau, kai kuma sai na sa ka zubad da naka. A bar ma ta batun hawaye, yadda ka sa dan’uwana ya bar duniya yau, kai ma kana barinta, in Allah ya so.”<br /><br />Mai keke ya yi dariya, ya ce, “Har kai nan dan tsuntsu, yadda ka ke za ka ce ka iya sa ni kuka? Duban ni da kyau fa ka gani.”<br /><br />Yautai ya ce, “To, shi ke nan. Raina kama ka ga gayya!” Mai keken nan kuwa a gaba kamar ya wuce shi, sai ya dawo ya sauka bisa buhunan gero, mutumin nan bai sani ba. Ya yi ta yi musu huda, gero na tsiyayewa, mutumin nan bai sani ba. In ya ga kamar zai wajwayo sai ya boye tsakanin buhu. Zuwa can gero ya tsiyaye, sai ya ji keke na gwaram gwaram, kamar ba kaya. Ya tsai da shanu, ya sauka ya duba kaya, ya yi salati.<br /><br />Yautai ya tashi, ya ce, “Kadan ke nan. Ai ban gaya maka ba, raina kama ka ga gayya?” Ya tashi ya sauka bisa idon sa guda, ya yi ta tsatsagewa, sa na tsalle-tsalle. Mai keke ya gan shi, ya dauki wani gatari nasa zai kwantara masa, sai ya tashi, ya sami kan san. Sa ya fadi nan take ya mimmike. Mai keke ya ce, “Wash!”<br /><br />Yautai ya ce, “Tukuna. Ai na gaya maka, raina kama ka ga gayya.”<br /><br />Mai keke ya ciji baki, ya sauka ya daura wa daya san keke, ya hau ya kora, ya nufi gida. Yautai ya komo ya sauka bisa idon sa dayan, ya fara tsattsaga, shi kuma ya yi ta tsalle-tsalle, yana harbe-harbe. Mai keke ya dube shi, ya ce, “Lalataccen nan ya dawo.” Ya dauki gatari, ya tsaya tsai, wai ya dube shi daidai ya sare sai ya tashi, ya sami kan sa. Sai ya fadi, nan ya sure. Ya sauka ya rasa abin da zai yi, sai ya saba gatarinsa, ya nufi gida yana cizon yatsa.<br /><br />Yautai ya ce, “Mu tafi gidan, ai na gaya maka, raina kama ka ga gayya.”<br /><br />Da matarsa ta gan shi ya shigo yana zage-zage sai ta ce masa, “Lafiya, babba da kai kana wannan irin mugun baki?”<br /><br />Ya ce, “Ina fa lafiya, wani dan tsuntsu duk ya sa na kashe shanuna, wai don na taka wani kare a hanya?” Ya waiwaya sai ya ga yautai bisa tukwanensu, ya ce, “Kin gan shi ma ya biyo ni, lalatacce!” Matarsa ta ce, ‘Kai ar, sululun wofi, yaya dan tsuntsu kamar wannan, wanda bai fi a hadiye ba, zai ruda ka haka?” Sai ta fizge gatarin da fushi, ta wurgi yautai da shi. Yautai ya tashi, ta sami tukwanensu, duk suka fashe.<br /><br />Yautai ya koma cikin dankin matar ya sauka, ya ce, “Raina kama ka ga gayya!”<br /><br />Da matar ta waiwaa ta gan shi, sai ta sake daukar gatarin ta wurge shi da shi, ta sami korenta, duk suka fashe. Kai, in gajarce maka labari dai, suka yi ta yin haka har ta fasa kayan dakinta duka.<br /><br />Yautai ya dube su, ya ce, “Tukuna dai. Raina kama ka ga gayya!”<br /><br />Daga nan mijin ya tuna da wata dabara, ya matsa wurin matarsa, ya rada mata ya ce, “Rufe taga maza, ni kuwa in rufe kofa, mu rutsa shi, mu kama, mu yi masa irin kisan da mu ke so.”<br /><br />Suka zabura waje gaba daya, suka rurrufe. Suka koma ciki, tarya nan tarya nan, har suka kama shi a hannu,Suka bude kofa da taga, suka fa tsaya gardamar yadda za su kashe shi. Mijin ya ce, “Hura wuta za ki yi ki jefa shi.”<br /><br />Matar ta ce, “A’a, ba haka za mu yi ba. Fige shi za ka yi yanzu, ni kuwa in nika tosshi in kwaba shi, in tsoma shi ciki. Ko kuwa ma ba haka za mu yi ba, in mun fige shi in sa wuka in kwakule idandunansa yau, gobe in yanke kafa guda, jibi in yanke fiffike guda, mu bi shi da yanka haka gaba gaba har ya mutu, dan lalatacce!”<br /><br />Da yautai ya ji haka sai ya ce, “Ta Allah ba taku ba. Raina kama ka ga gayya!”<br /><br />Ko da suka ji haka duk sai suka fusata, matar ta zaro wani takobin mai gidan da ke nan, ta ce, “Bari in sare shi.” Mijin ya ga nawar ya bar matar ta sare shi, sai ya duka wai ya take shi, sai matar kuwa idonta duk ya rufe don fushi, ta kai wa yautai sara daidai da sa’ad da mijin ke dukawa ya take shi, sai ta sare kan mijin. Ya fadi, ya mutu. Yautai ya tashi ya fita, ya ce, “Alhamdu lillahi! Da ma hakin da ka raina shi ke tsone ma ido.”<br /><br />Ganin wanan al’amari ya sa maatar ta haukace, ta dauki gatari ta shiga jeji. Kowane tsuntsu ga gani sai ta kaimasa jifa tana cewa, “Raina kama ka ga gayya!”<br /><br />Da aku ya gama ba da wannan labari sai ya tashi fir ya koma fada.<br /><br />Da Musa ya gan shi ya tambaye shi labarin da ya gaya wa Waziri, aku ya ki gaya masa hakikanin abin da aka yi sai ya ce, “Na gaya masa labarin Umaru Mu’alkamu ne da Shaihu dan Fodiyo ya nuna masa karama.”<br /><br />Musa ya ce, “Wace karama ce Shaihu Mujaddadi ya nuna wa Umaru Mu’alkamu, wadda ban tuna da ita ba? Alhali kuwa labarun Shaihu da mu’ujizarsa sai mu gaya wa wani ba wani ya gaya mana ba.<br /><br />Aku ya ce, “Ranka ya dade, ai ka san sani wuyar al’amari gare shi, kome abin mutum in ya san wani abu bai san wani ba.”<br /><br />Musa ya ce, “To, fada mini wannan labari in ji,ko na tuna da shi.”</div> </div>

MAGANA JARI CE 1 RAINA KAMA KAGA GAYYA

MAGANA JARI CE LITTAFI NA DAYA labari na ashirin da biyar RAINA KAMA KAGA GAYYA Raina Kama Ka Ga Gayya       Wata rana yau...

Cigaba da Karatu

SAURIN FUSHI SHIKE KAWO DA NASANI

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da hudu</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEip5t3qxxYJIr8IrUTQccs9bnGaPPs7WUkwCpCExqus_vKzO8q9Lbv92cMu9rB0dJj6WLHvN4vXUgQquSUKFnoBT5YKUOZbxEh_ItiUbEiYN6fevjVMCPHDY4wYSokCSLyJNUvfTG5k55oK/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEip5t3qxxYJIr8IrUTQccs9bnGaPPs7WUkwCpCExqus_vKzO8q9Lbv92cMu9rB0dJj6WLHvN4vXUgQquSUKFnoBT5YKUOZbxEh_ItiUbEiYN6fevjVMCPHDY4wYSokCSLyJNUvfTG5k55oK/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> SAURIN FUSHI SHIKE KAWO DA NASANI</div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Saurin Fushi Shi Ke Kawo Da Na Sani <br /><br />      Wata rana Sarki yana kilisa, sai ya tarad da wani dan kwikwiyo yana kwance, duk kiyashi sun cika bakinsa nishi ya ke yi dai dai, kansa. Ko yaya aka yi ya rabu da uwarsa, Allah kadai ya sani.<br /><br />Da Sarki da dube shi sai tausayi ya kama shi, ya ja linzami ya tsaya, ya dubi mutanen da ke biye da shi, ya ce, “A, kakkabe wa Sarkin Babanni ya lura da shi da kyau yana ba shi abinci, in yana da sauran kwana gaba ya tashi.”<br /><br />Nan da nan, kafin Sarki ya rufe baki, bayi sun dira sun kama karen, sun shafe masa baki da hannanyen rigunansu. Wani ya sa shi kan kwacciya, ya tafi da shi gida ya kai wa Sarkin Babanni, ya Sarki. Da rana ta yi sanyi suka komo.<br /><br />Bayan kamar kwana uku sai dan kare ya farfade, har ya fara tafiya, Da ya sami kamar wata biyu sai ya zama kamar ba shi ba. Ya yi bulbul, duk inda Sarki za shi yana biye. Da ya girma sai kullum dare in Sarki ya shiga barci, shi kuwa sai ya zo kofar Saboda haka Sarki ya rika sonsa kwarai da gaske. Ba mai ikon ya buge shi, ko ya yi masa wata katuwar tsawa, don tsoron Sarki.<br /><br />Ana nan, ran nan safiyar Salla Sarki ya yi shiri zai fito ya hau zuwa idi, sai karen nan ya biyo. Sarki ya waiwaya ya gan shi, ya buga masa tsawa, ya koma daki ya kwanta, don ya san haka a kan yi masa in ba a son ya bi.<br /><br />Yana nan kwance dakin Sarki, can an kusa saukowa daga idi, sai aka kare toye-toyen Salla. Wata sadaka ta fara dauko kwano guda ta kawo cikin dakin nan ta aijye. Amma maimakon ta rufe abincin yadda ya kamata sai ta bar shi a bude, don ta san ko da zai rube karen nan ba shi tabawa.<br /><br />Karen nan yana kwance, sai ya ga wani kumurci ya biyo matakin soro, ya sauko daga kan azara, ya sa baki cikin abincin yana ci. Kare ya fita wage yana haushi don mutane su zo. Ba wanda ya kula da shi.<br /><br />Da mata suka ji ya dame su da hausahi, sai suka dauki dutse suna jifarsa, don sun ga Sarki ba ya nan. Da karen nan ya ga ba su gane abin da ya ke nufi ba, sai ka kyale ya shiga daki ya kwanta. Maciji kuma da ya ga ya koshi, sai ya sulale ya koma cikin azara abinsa ya shige.<br /><br />Can an jima Sarki ya dawo. Da shigowarsa iyali suka yi masa barka da sauka. Bayan sun tashi, ya nufi wajen abincin nan zai ci. Kare ya bi shi yana kada wutsiya kamar ya ce, “Kada ka ci, maciji ya zuba dafi a ciki.” Allah bai ba shi ikon magana ba.<br /><br />Sarki ya wanke hannu ya sa cikin abinci abinci, ya yanko. Kare kuwa sai ya kai nan ya kai na, Sarki na tsammanin son abinci ya ke yi. Ya jefa masa ya ki ci, sai haushi ya ke yi wa Sarki.<br /><br />Sarki ya bude baki zai sa wannan lomar sa’an nan ya dauki sanda ya kore shi, sai karen ya yi farat ya buge hannun Sarki, loma ta fadi kasa. Sarki ya dunkula hannu ya shiga dimar kare, amma kare sai gurnani ya ke, bai kula ba. Ya sa baki ya cinye loman nan da ta fadi daga hannun Sarki, ya kuma hau wa sauran abincin duk ya cinye sarai. Tun Sarki na dukansa, har haushi ya kama shi, ya gaji ya bari. Ya tsaya kurum ya ga ikon Allah.<br /><br />Ko da kare ya cinye abincin nan, sai ya koma gefe guda ya kwanta. Kafin Sarki ya kare ciccika, kare ya mimmike nan ya mutu.<br /><br />Ganin wanan abu fa ya kara ta da hankalin Sarki, ya ce, “Lalle akwai wani abu game da abincin nan. Watakila sadakar da ta kawo ta yi mini sammu ne in ci in mutu.”<br /><br />Sai sarki ya fito ya kira ta, ya tambaye ta, tarantse da abin da zai kasha ta ba ta sa kome ba ciki. Ya tantambayeta ko ta bari garin sauran kishiyoyin, ta ce a’a, da karewa sai ta zuba cikin wannan kwano ta kawo.<br /><br />Sarki ya ce, “To, da kika fita ba wadda ta shigo bayanki?”<br /><br />Sadaka ta ce, “Mts, bayana ba wadda ta shigo. Ba na daukan akhakin wani, ni kadai na dawo na bude, don ya sha iska da na ji kuna tafe.”<br /><br />Sarki ya yi shiru, ya ce, “Lalle karya ku ke yi. Munafincinku na mata wane ne bai san shi ba? Ba shakka ki gaya mini abin da kuka zuba, in ba haka ba kuwa in sa a yanka ki.”<br /><br />Sadaka ta fadi tana ahi, tana rantse-rantse tana cewa ba ta sa kome ba ciki. Ya dube ta, ya ce, “Ke ar, munafuka!” Ya aika a kira bayi su zo su yanka ta. Nan da nan suka shigo, aka café ta tana kuka, aka yi waje da ita.<br /><br />Sarki ya yi zugun cikin daki, yana mamakin abin da ya yi wa sadakan nan har da ta ke so ta kasha shi, ya rasa. Can sai ya ji sadakan nan har da ta ke so ta kasha shi, ya rasa. Can sai ya ji dakin ya gume da wani wari kamar na gwano. Ya tashi ya inda ya ke zaune, bai ga gwano ba. Yana kakkabe rigarsa ko ya shiga ciki, sai ya ji ka-ka-ka-ka-ka a bias rufin daki. Ko da ya daga kansa sai ya ga wani katon kumurci a cikin azara. Da ya gan shi sai ya san lalle barin abincin nan da ta yi a bude ne, macijin nan ya zo ya ci. Saboda haka ya tashi da sauri, ya tafi inda bayin dandanne za su yanka, sai kuka ta ke tana salati. Sai ya ce, “Kai, ku tsaya, ku tsaya!”<br /><br />Bayi suka tsaya suna kaduwa, suna tsammani Sarki ya raina saurinsu ne. Sarki ya ce, a sake ta. Ya kira bayin, ya tafi da su turakarsa, ya nuna musu kumurcin. Ya gaya musu kuma da abin kumurcin kasa, aka fid da shi wage aka yar.<br /><br />Sarki ya tara dukan iyalinsa, ya gaya musu wannan al’amari, ya kuma gargade su kada su sake barinabinci a bude. Nan gabansu kuma ya gafartra wa sadakan nan, suka koma sha’aninsu.<br /><br />Ya sa aka fita da Karen nan zaure, ya gaya wa fadawa da Sarakunansa abin da ya auku cikin gida duka. Ya sa aka gina dan daki a kofar gidansa, aka yi wa karen nan kabari a ciki aka sa shi. Ya yi bakin ciki kwarai saboda mutuwar Karen nan. Ya kuma gargadi mutanensa da abu biyu. Na daya, ya ce kada su rika saurin fushi, kowane a’amari ya auku, kafin su zartad da hukunci su tsaya sai sun bi cikin al’amari ya auku, kafin su zartad da nan sun yi saurin cika umurin da ya bayar a yanka sadakan nan da ya yi da na sani daga baya. Na biyu, ya ce su kyautata tausayi da jin kai ga dabbobi da tsuntsaye, ko da ba su da dabara kamaru, ba a san inda rana za ta fadi ba. Kowa ku ka gani a duniya, yana da ranarsa. Ko ba don wannan, ma ba, ai an ce aikata alheri ga kowa, sakayyarka tana wurin Allah.<br /><br />Da Waziri ya ji haka sai ya ce a rana, “A’a! Me ya ke nufi da wannan labari? Dan tsuntsun nan fa rigima gare shi! Yana tsammani ni yaro ne, balle ya ce ya yi mini wa’azi?” Sai ya hadiye fushinsa, ya yi murmushi, ya ce, “Wannan labari naka iyaka ne. Bari in yi maka kyauta.” Sai ya zaro wani zobe na zinariya ya rike a hannun hagu,ya nufo aku wai zai ba shi, hannunsa na dama ko na cikin riga. Aku ya rika tsalle yana ja da baya, Waziri na binsa yana cewa, “Tsaya mana ka karba!”<br /><br />Aku na ja da baya dai yana cewa, “Ai sadaka na yi maka labarin, ban don ka biya ba.”<br /><br />Da Waziri ya lura aku ya gane shi, sai ya zabura gaba daya ya kai masa bugu, aku ya goce, buje ya tadiye Waziri ya fadi, ya daushe baki har hakorinsa guda ya fita. Ya tashi ja wur cikin jinni, nan da nan baki ya haye.<br /><br />Da aku ya ga haka sai ya haye cediyar kofar gidan, ya kaikaici idon Waziri ya yi ta dariya. Da ya ga Waziri da dubo, sai ya kanne, ya ce, “Sannu bawan Allah! Ba ka sani ba, Waziri, ni kuwa ban ji zafin ba. Da ka taba jin labarin yautai da wani mai keke, da ba ka kulla wannan niyya ba game da ni. Kana so in kare ka da shi?”<br /><br />Wzairi dai bai ce uffan ba, yana can yana fama da abin da ya same shi. Aku ya faki idonsa ya yi masa gwalo, ya ce, “Ko ba ka so ina gaya maka, aimu abimmu muna yi don Allah ne. Sai ya soma.</div> </div>

MAGANA JARI CE 1 SAURIN FUSHI SHIKE KAWO DA NASANI

MAGANA JARI CE LITTAFI NA DAYA labari na ashirin da hudu SAURIN FUSHI SHIKE KAWO DA NASANI Saurin Fushi Shi Ke Kawo Da...

Cigaba da Karatu

BA WAHA LALLE SAI MAI KWADAYI

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da uku</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEh3WyQ1MBBVDGBcqP5qVGtLZapt9ZQZvsYeIfrTEAgIwewYGzaMx0H5xPQCSPOlFUM5LXrgPK0brdaPx4WjEldxEnsazpl1IUmCMXWPgxpWeil67DZaqCoW-gU55fYAQosm52xBqp4Do-WX/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEh3WyQ1MBBVDGBcqP5qVGtLZapt9ZQZvsYeIfrTEAgIwewYGzaMx0H5xPQCSPOlFUM5LXrgPK0brdaPx4WjEldxEnsazpl1IUmCMXWPgxpWeil67DZaqCoW-gU55fYAQosm52xBqp4Do-WX/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> BA WAHA LALLE SAI MAI KWADAYI</div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Ba Wahalalle Sai Mai Kwadayi </div> <div style="text-align: center;"> <br />      Da aka yi wani Sarki mai son nishadi. Ana nan wata rana zuciyarsa ta yi baki kirin, har ya kasa barci. Ya kira yaronsa ya ce masa, “Maza ka tafi wurin Waziri, ka ce ina kiransa.” Yaro ya tafi ya gaya wa Waziri, suka zo tare, suka shiga wurin Sarki.<br /><br />Da suka shiga Sarki ya ce wa Waziri, “Yau zuciyata ta baci, har barci ya gagare ni. Ina so mu tafi mu zaga rafi, ko zuciyata ta yi sanyi.”<br /><br />Waziri ya ce, “To, shi ya fi, ranka ya dada.” Da fadin haka sai yaron ya yi dariya.<br /><br />Sarki ya ce, “A’a! Mene ne? Ni ka ke wa dariya ko Waziri?”<br /><br />Ya ce, “ Ranka ya dade, wane ni in yi maka dariya? Wani abu ne ya fado mini a rai wanda na gani jiya, shi na ke dariya.”<br /><br />Sarki ya ce, “Wane irin abu ne?”<br /><br />Yaro ya ce, “Ranka ya dade, jiya ina yawo a bakin kogi sai na iske wani mutum, mutane sun kewaye shi, yana ta ba su dariya.”<br /><br />Sarki ya ce, “Maza ka tafi ka kirawo shi, ya zo ya mini abin da zai ba ni dariya, ko na samu zuciyata ta huce.” Yaro ya tafi wurin mutumin, ya ce, “Sarki yana nemanka.”<br /><br />Sai mutumin ya ce, “To, da kyau. Me ya Sarki ya ke kirana?”<br /><br />Yaron ya ce, “Yau Sarki yana bakin ciki, yana so ka zo ka ba shi dariya, don zuciyarsa ta yi fari.”<br /><br />Sai mutumin ya ce, “Mu je.”<br /><br />Yaro ya ce, “To, sai mu yi sharadi, abin da Sarki ya ba ka duka a kasa shi uku, kau ka kwashi kashi daya, ni in kwashi kashi biyu. In ka yarda da haka zan kai ka, in ba ka yarda ba, yi zamanka, ni kuwa in koma in ce ban gan ka ba.”<br /><br />Sai ye ce, “To, shi ke nan, na yarda. Mu tafi.” Yaro ya kai shi wurin Sarki, ya fita.<br /><br />Sarki ya ce wa mutumin, “Ina so ka yi mini abin da zai sa in yi dariya. In na yi in yi maka kyauta, in ban yi ba in yi maka bulala.”<br /><br />Mutumin ya yi ta yin abubuwa masu ban dariya, da labaru iri iri, har ya gaji. Sarki bai yi dariya ba.<br /><br />Sarki ya ce, “Shi ke nan, ko akwai saura?”<br /><br />Mutumin ya ce, “Shi ke nan.”<br /><br />Sarki ya ce, “Ga shi ban yi dariya ba. Kwanta in yi maka bulala.”<br /><br />Mutumin ya matso, ya kwants. Sarki ya tsala masa bulala da karfi. Sai ya yi ta kururuwa, ya ce, “Tsaya, rank ya dade! Na karbi rabona, saura na yaronka. Domin mun sharada kome na samu in dauki kashi daya, shi kuwa biyu.”<br /><br />Sarki ya kira yaronsa, ya ce, “Na ba wannan mutum rabonsa, sauran naka, matso kusa ka karba.”<br /><br />Yaro ya matso kusa, yana tsammani zai sami kudi. Sarki ya tsala masa bulala da iyakacin karifinsa. Yaro ya kwala ihu. Sarki ya ce, “Tunkuna, ai kashi daya kadai ka sam, saure daya.”<br /><br />Yaro ya ce, “Ranka ya dade, kashi dayan nan ma ya ishe ni, na bar maka dayan.”<br /><br />Da Sarki ya ji haka sai ya fashe da dariya, bakin cikinsa ya yaye. Ya kawo kyauta ya ba su, ya sallame su.<br /><br />Kafin aku ya kare wannan labari gari ya waye Barakai ya koma yana cizon hannu, yana neman hujjar da zai fada wa ubangidansa.<br /><br />Da zuwansa Waziri ya Harare shi, ya ce, “Ban ji an gama aikin ba. Ina dalili?”<br /><br />Barakai ya ce, “Ruwa!”<br /><br />Waziri ya ce, “Ruwa? Wane iri? Ruwa da aka yi aka dauke tun kafin a yi kiran sallar fari?”<br /><br />Barakai ya ce, “Watakila nan wajen gidanka aka dauke da wuri, wajen fada har rana ta fito ana ruwa.”<br /><br />Waziri ya cika, ya kawo iya wuya, ya zabura ya danne shi ya shake, ya ce, “Fada mini gaskiya, in ba haka ba ko yanzu in kasha ka, mutumin banza, munafuki! Lalle kai ne ka tona asirin da muka kulla da Sarkin Sinari. Da ma ina shakkar haka.”<br /><br />Da Barakai ya ji haka sai jikinsa ya dauki rawa, ya ce, “Na tuba Allah ya ba ka nasara, gaskiyaa zan gaya maka yanzu. Akun nan sihiri gare shi, in y fara ba da labari, sai duk hankalin mutum ya rude, ya rasa abin da ya je yi. Muddin akun nan na numashi ba yadda za a yi a fid da Musa daga gidan nan, ko kai ka je da kanka.”<br /><br />Waziri ya ce, “Rufa mana baki nan da karyar banza!” Ya dauki bulala ya tsala masa har ya gudu.<br /><br />Waziri ya koma ya zauna, yana ciccika shi kadai, yana cewa, “Ina Wzairi kasan nan duk tsawonta da fadinta, ga shi dan abu kadan ya rage da zan yi in zama Sarki, dan tsuntsu ya ce zai hana! To, bar ni da shi.”<br /><br />Sai ya aika wajen Musa ya ce yana son aku ya zo yau ya debe masa kewa da labaru. Ya ba da igiya, ya ce in Musa ya yarda a daura shi a zo da shi. Da aka gaya wa Musa, bai san abin da a ke nufi ba ya ce shi ya yarda, zai tambayi akun kuma ya ji in ya yarda. Ya tafi ya tambayi aku, aku ya ce, “yallabai, tun da ka ce in tafi, ai sai in tafi.” Yaron da aka aiko ya jawo igiya zai daure aku ya kai shi. Aku ya ce, “Mene ne na dauri? Ban saci kayan kowa ba. Ba cewa aka yi ana sona don nishadi ba? Wuce, in hau bias kanka mu tafi.” Suka tafi har gidan Waziri, suka tarad da shi a kofar gida. Aku ya sauka, ya tsaya nesa kadan. Waziri ya salami mutane. Da shi niyyarsa, yana da wata katuwar sanda a boye ya kasha aku, kowa ya huta. Da aku ya lura da sandan sunne cikin rigar Waziri, sai ya kara ja da baya.<br /><br />Waziri ya ce, “Matso mana.”<br /><br />Aku ya ce, “Allah ya ba ka nasara, ina ni ina zuwa kusa da kai?”<br /><br />Waziri ya ce, “Ina so ka ba ni labari, kowane iri ka ke iyawa, in na ji da dadi in yi maka kyauta.”<br /><br />Abu ya ce, “To, sai ka zauna in fara.” Waziri ya zauna, aku ya fara.</div> </div>

MAGANA JARI CE 1 BA WAHA LALLE SAI MAI KWADAYI

MAGANA JARI CE LITTAFI NA DAYA labari na ashirin da uku BA WAHA LALLE SAI MAI KWADAYI Ba Wahalalle Sai Mai Kwadayi    ...

Cigaba da Karatu

LABARIN ANNABI SULEIMANU

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da biyu</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEg2xELhPKpRpeIvQrNE1dJJznEFFUMeI-KywIpLKwclMbYMmGHvHBm-9PEsrrnuE2_SoR-eyLjqJqP5TwGLzRmnvt59Y0l841b4MF88vDbGRjWfZOntmq4aKFduoOPWCRV-U90sNZTjZQoS/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEg2xELhPKpRpeIvQrNE1dJJznEFFUMeI-KywIpLKwclMbYMmGHvHBm-9PEsrrnuE2_SoR-eyLjqJqP5TwGLzRmnvt59Y0l841b4MF88vDbGRjWfZOntmq4aKFduoOPWCRV-U90sNZTjZQoS/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> LABARIN ANNABI SULEIMANU</div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Labarin Annabi Sulaimanu </div> <div style="text-align: center;"> <br />      Wata rana Annibi Sulaimanu—tsira da aminci su tabbata gare shi—yana zaune, sai wadansu mata su biyu suka zo suka kawo kara a gabansa. Guda ta ce, “Ya Annabin Allah, da ni da wannan mace gida daya mu ke zaune. Na haifi da. Ana nan, bayan na haihu da kwana uku wannan mace kuma ta haihu. To, duk gidan ba kowa sai mu biyu kadai. Ran nan cikin dare ta kwanta bias danta ba ta sani ba, har ya mutu. Sai ta tashi da tsakad daren, ta dauki dana ta mayar wajenta, ta dauko danta mataccen ta kawo gabana, ni ko duk ban sani ba. Sa’ad da na tashi da safe garin in ba dana mama sai na gan shi mattacce. Da na duba da kyau, sai na ga she ba dana ba ne. Na gaya mata haka, ta ce karya na ke yi, mataccen ne dana. Muka yi ta gardama. Da muka ga abin zai kai ga barna, muka zo gare ka ka raba mana gardama, ya Shugaba.”<br /><br />Waccan kuma ta ce, “A’a, karya ta ke yi, ya Shugabammu. Ni na riga ta haihuwa da kwana biyu, ran nan da dare ta taka nata ya mutu, ta zo ta musanya shi da nawa.”<br /><br />Jama’ar da ke nan suka ce, “Kai, wanan shari’a ai ba ta warwaruwa, sai gobe ga Allah.”<br /><br />Da Annabi Sulaimanu ya ji maganar matan nan sai ya sa aka dauko takobi aka zare, ya ce, “Tun da ya ke abin ya rikice haka, abu daya kadai za a yi a raba gardaman nan. Zan raa dan nan biyu ko wacenku ta dauki rabi, kowa ya huta, ku dangana har Allah ya sake ba ku wadansu.”<br /><br />Da mace daya ta ji haka sai ta ce, “Don Allah kada a kasha shi. A ba ta, na yarda mata.” Amma waccan ta ce, “A’a, daidai ne, ya Annabi. A dai rabi shi, kowa ya huta.”<br /><br />Da Annabi Sulaimanu ya ji haka sai ya ce, “Ku mika dan nan mai rai ga waccan da ta ce kada a kasha shi. Danta ne, ita ta haife shi.”<br /><br />Da Musa ya ji aku ya yi shiru sai ya ce, “A’a! Yaya aka san wannan ke da da?”<br /><br />Aku ya ce, “Haba, ba ka ga abin da a ke nufi ba? In da waccan ta haife shi ta ce a kasha shi tana kallo kiri-kiri?” Bai tsaya su Musa su sami damar fadin wani abu ba, sai ya ce, “Kafin ku kare tunanin wannan, tsaya ku ji yadda wani Sarki ya yi nasa hukuncin.”</div> </div>

MAGANA JARI CE 1 LABARIN ANNABI SULEIMANU

MAGANA JARI CE LITTAFI NA DAYA labari na ashirin da biyu LABARIN ANNABI SULEIMANU Labarin Annabi Sulaimanu       Wat...

Cigaba da Karatu

KOWA YAYI KOKARIN YA SAMI FIYE DA ABINDA ALLAH YA NUFE SHI DA SHI, YA JAWA KANSA WAHALA

<div dir="ltr" style="text-align: left;" trbidi="on"> <div style="text-align: center;"> MAGAN JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na ashirin da 1</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEhc8yKhyphenhyphenD7HfarXw57PGSlX4x9llMwyw_YDpvwq2fmA96Um3JwRwU-tR0kVx5nf1gkVZ40yhOMgHlXw9vC5ETAJNtCWSsZmabepA4ewD3p7FjW3qibSH0r2fUK0P5tgkzx8MDkqq1jXPBXU/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEhc8yKhyphenhyphenD7HfarXw57PGSlX4x9llMwyw_YDpvwq2fmA96Um3JwRwU-tR0kVx5nf1gkVZ40yhOMgHlXw9vC5ETAJNtCWSsZmabepA4ewD3p7FjW3qibSH0r2fUK0P5tgkzx8MDkqq1jXPBXU/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Kowa Ya Yi Kokarin Ya Sami Fiye Da Abin Da Allah Ya Nufe Shi Da Shi </div> <div style="text-align: center;"> <br />Kowa Ya Yi Kokarin Ya Sami Fiye Da Abin Da Allah Ya Nufe Shi Da Shi, Ya Ja Wa Kansa Lalacewa<br />      Domin wai akwai wani masassaki a Katako, yana da ‘yarsa mai shekara biyar da haihuwa, sunanta Halima. Ko da ya ke an san yaro a kan son tambayar kome ya ji ko ya gani, duk da haka son tambaye-tambayen Halima sun wuce kima.<br /><br />Wata rana da safe uban na zaune na sasakar wata kujera sai Halima ta shigo, ta ce masa “Baba, inna ta ga mussa ta ce mata kyanwa, ashe ba ta san sunanta ba, ko ta sani ke nan?”<br /><br />Kafin uban ya bayyana mata da mussa a kyanwa duk daya ne, sai ta sake masa wata tambaya, ta ce, “Baba, kawu ya ce wai akwai giwa na yawo nan sama, ita ce ke yin fitsari da damina muna cewa ruwan sama, gaskiya ne?<br /><br />Uban ya fashe da dariya, zai bayyana mata ba gaskiya ba ne, sai ta ce, “Baba, wai kai ma inna ce ta haife ka?”<br /><br />Uban ya ga za ta hana shi aiki da surutu, sai ya ce mata, “Fita waje can ki yi wasa da yara, sai in na kare ki dawo.”<br /><br />Sai ta tashi ta ruga. Tana fita, sai ta ji yara na bin wani wada, suna cewa, “Malam Dogo, Malam Dogo!”<br /><br />Halima kuwa ko wane karambani ya ja ta, da ganinsa sai ta tsaya daga kofar zaurensu, ta ce, “Malam Dogo, Malam Dogo, ka zo, baba na kira.”<br /><br />Malam Dogo da ya ji haka sai ya nufo zauren. Halima ko ta ruga zaure wajen ubanta, ta rungume shi tana kuka. Tsammaninta wani dan sanho da wadan ke rataye a bayansa duk ba kome ciki sai ‘yan yara kamarta. Malam Dogo ya zo, ya durkusa gaban masassaki, ya ce, “Ga ni, ‘yar matan nan tawa ta ce kana kirana.”<br /><br />Masassaki ya kawo sadakar abinci da goro da kwabo, ya ba shi, ya ce, “Tun da Halima ta kira ka, ai lalle in sallame ka.” Malam Dogo ya yi godiya, ya bude sanho ya fitad da wata ‘yar nakiya da aka ba shi sadaka, ya mika mata, ta ki karba, don ita ce gamuwarsu ta fari.<br /><br />Daga ran nan kullum kuma in zai wuce sai ya biyo ta zauren gidan, in ya ga Halima a waje ya ba ta dan wani abin da ya samo sadaka. Tun tana gudu, yau da gobe har ta saba da shi, ta rika tsayawa tana karba.<br /><br />Da ya gan ta dai saiya zauna, ta hau bias kafarsa suna wasa. In ta fara irin ‘yan tambayoyin nan nata na yara, sai shi kuma ya rika ba ta amsa irin yadda ya kamata. In ta tamyabe shi, “Me ke cikin sanhonka?” Sai ya amsa mata, “Tuwo da nama da sukar.” In ta ce, “Ina innarka?” Sai ya nuna ungulu ko shirwa, ya ce, “Ga ta nan tana tashi.” Sai su bushe da dariya. Duk sa’ad da yarinyan nan ta ga ungulu ko shirwa sai ta ce, “A! Ga innar Malam Dogo.” Ta dubi uwarta, ta ce, “Inna, ke ba ki iya tashi kamar innar Malam Dogo?” Uwar ba ta ko kulawa da ita in ta fara tambayarta.<br /><br />Suna nan haka, ashe wadan nan wani mai sihiri ne, ba a sani ba. Ran nan sai ya zo wurin masassaki dauke da ‘yan kayansa Halima ta tambaye ka inda na ke, ka ce ni ma na yi fiffike na tashi kamar innata, don kada ta yi kuka. Kullum ku ce mata zan dawo gobe.”<br /><br />Masassaki ya yi bakin ciki, don ‘yarsa ta rasa abokin wasa. Ya shiga gida ya dauko wata tsumman riga, ya ba Halima ya ce ta kawo wa Malam Dogo a zaure. Yariyna ta jawo riga da gudu, ta kawo masa. Ta fada jikinsa tana murna.<br /><br />Malam Dogo ya dube ta, duk idonsa suka cika da hawaye domin sabo. Ya zauna nan har margariba. Da suka yi salla, ya ci abinci, sai ya kira masassaki, suka fita bayan gari, suka yi tafiyar kamar loko guda cikin daji, sai suka kai ga wani dutse. Da suka isa, wada ya dubi masassaki, ya ce, “Ka san an ce soyayya gamon jinni ce, ko ba haka ba?”<br /><br />Masassaki ya ce, “Hakannan ne.”<br /><br />Wada ya ce, “To, tun da na zo garin nan, ban ga wanda jinina ya hadu da shi kamar ‘yarka ba, Halima. Tun da tana tsorona, har ka ga yanzu ba wanda ta ke so da gani irina. Kome ta ci ta rage mini. Kai kuma kana yi mini alheri iyakar gwargwado. Saboda haka ni kuma zan saka maka. Ko da ya ke kana ganina haka a wulakance, don in jarrabi mutane shi ya sa na wulakanta kaina. Nan kasar duk kafin ka sami wanda ya ke al’amari da aljanu kamata, ka dada.” Ya tsuguna ya tara ‘yan hakukkuwa, ya debi ganyayen kan dutse, ya yi turare.<br /><br />Masassaki ya rike baki ya ga al’ajibi. Da hayaki ya tashi, sai Malam Dogo ya dubi dutse, ya ce, “Fayau, bude dutsen kudi!” Nan da nan sai dutse ya bude. Da budewarsa sai Malam Dogo ya dauki wata ‘yar fitila nan rataye cikin dutsen, ya kunna. Masassaki ya duba cikin kogon dutsen nan, ba abin da ke ciki sai karfe ja wur cikin wata katuwar randa. Ya bude baki yana mamaki.<br /><br />Malam Dogo ya ce, “Na ba ka abin da ke cikin dutsen nan duka, amma da sharadi guda. Duk sa’ad da ka zo, kada ka debi abin da ya fi fam guda kowance zuaa. Na san fam guda dai ya ishe ka kashewa yini guda. Daga nan har ka mutu ba ka ganin kudin nan na raguwa. Ka lura in Halima ta isa aure ka yi mata kaya masu kyau, ga dai gudummuwata nan na bayar.”<br /><br />Masassaki ya fadi yana godiya, yana rokon Malam Dogo gafara in ya yi masa wani laifi da. Suka gafarta wa juna. Malam Dogo ya ce, “Ko da rana ka zo sai ka diba, in dai ba ka gudun kada mutane su gan ka. In ko da dare za ka zo, in ka fita, ka yi turare da ganyen nan, ka tabbata ba wani abin firgita da zai dame ka. In ko ka zo, ka ga abin da na yi ba wani abu ba ne mai wuya. Sai ka debi ganyen nan na bias dutse, ka yi turare da shi a gidin dutsen, ka ce, ‘Fayau, bude dutsen kudi.’ In ka shigo, ga fitila ka kunna, in da dare ka zo. In da rana ne ko, ba ruwanka da ita. Ka kuma amince, ba kayan aljannu ne ka ke sata ba, balle ma ka ce za ka ji tsoro. Kai dai ban da dibar abin da ya fi fam guda kullum.”<br /><br />Ya dubi masassaki ya ce, “Fara daga yau.” Masassaki ya duka ya kidaya fam guda, suka fito. Malam Dogo ya ce, “Garam, kulle dutsen kudi!” Dutse ya koma ya rufe.<br /><br />Malam Dogo ya dubi masassaki ya ce, “To, sai mu yi ban kwana, ni zan wuce.” Suka yi sallama. Malam Dogo ya wuce, masassaki ya koma gida yana tsalle-tsalle don murna. Ya kwashe duk labari ya gaya wa matar, amma bai gaya mata abin da za a ce da dutsen ya bude ba. Suka yi ta murna.<br /><br />Gari na wayewa, ko da magariba ta yi sai ya koma ya debo fam guda. Ya I ta yin haka kullum. Nan da nan kafin wata takwas ya sa aka debe dannin gidansa, aka gina masa na kasa. Aka yi zauruka kamar goma sha biyu kafin a shiga gidan. Aka ta da soraye. Ya kwashi kayan sassaka duk ya kona.<br /><br />Cikin mako guda ya auri ‘yam mata uku, ya gama da matarsa, suka yi hudu. Duniya ta komo sabuwa, sai katta ke ta kaiwa suna komowa cikin gida. Aka manta da kiransa Maikujera, sai aka lakaba masa Maigida. Da ya yi magana sai zabura a gama abin da ya ce, kome ya fadi sai ka ji barori na cewa, “Allah ya kyauta yin maigida.”<br /><br />Bai cika shekara ba sai da ya daure doki goma sha biyu a bargarsa suna harbin iska. Da ya hau sai a bi shi tii, kamar Sarki. Mutane suka yi ta al’ajibin yadda ya yi arziki haka. Suka ga ko ba ya saye ba ya sayarwa, amma kullum abin nasa gaba gaba ya ke ci. Da mai garin da wadansu sun fara hassadar abin, suna kushewa. Amma daga baya, da suka ga hassadarsu ta zama taki, sai suka saki, suka mika kai neman abin sutura.<br /><br />Da ba ya girman kai da wannan abu, amma daga bisani mutane da makada da maroka suka kumbura shi, har ya fara hura hanci da makada da maroka suka kumbura shi, har ya fara hura hanci yana alfahari, tun ba in ya je dutsen kudi ya ga abin kamar ba alamar karewa.<br /><br />Ran nan yana zaune bias kujera, sai ya ce a ransa, “Kai, ni fa wahalar zuwa dutsen kudin nan kullum ta dame ni. Kullum, gemai-gemai da ni, a ga na nufi daji saboda fam guda. To, ni ba abin in ki zuwa ba, don ina so in kwashe kudin duka inda yana yiwuwa. Gobe dai fam biyu zan debo gaba daya in gani. Watakila dai Malam Dogo ya ki barina ne, don kada in huta wa raina. Amma fa ina amfanin a ga kamata ya tashi ya shiga daji don fam guda?”<br /><br />Ko da magariba ta yi, sai ya tafi dutsen kudi, ya debo fam biyu, ya fito. Sai ya ce, “Haba, na san da ma abin nan na Malam Dogo ya rufe ni ne. Tun da ya ke dai nawa ne, mene ne na yi mini haka?”<br /><br />Ya yi kamar wata guda yana diban fam biyu biyu kullum. Sai wata rana ya ce, “Shin me ya sa ne zan rika wahala da kaina don ‘yam fam biyu tak? An ce ba sata na ke yi ba. To, ba na kawo abina diga, kowa ya huta, ni ma ko in sami hankalina ya kwanta in yi kiba, da wannan wahalar shiga daji kullum, sai ka ce talaka?”<br /><br />Sai ya sami buhunan gishiri ya ajiye, ya ce, “Gobe da wadannan za ni, in rika cika su ina kawowa gida har in kwashe sarai, in huta da shan dari kullum magariba.”<br /><br />Gari na wayewa, ko da magariba ta yi sai ya kwashi buhunan ya nufi dutsen, yana takawa sai ka ce namijin agwagwa, don cikin ‘yar shekaran nan guda da rabi ya zama sai ke ce taiki don kiba. Ni’ima da cin dadi duk sun sa har furfurarsa ta koma baka. Ya yi tsar, shuni ya huda shi, jikinsa sai kalli ya ke yi.<br /><br />Da ya isa sai ya zauna ya huta, yana kulla abin da zai yi a ransa sake wani. Matansa kuma duk ya kamata ya sake su, don tun da suka kai ga shekara guda da rabi a dakunansu ai sun tsufa.<br /><br />Da ya gama kulle-kullen abin da zai yi, ya tashi ya shiga kogo da buhuna. Ya ajiye su gefe guda, ya dauki daya don ya cika sa hannu zai diba, sai ya ga randar kudin ta yi kasa, ta bace. Dutsen kuma ko kasa ko bias, sai aka bar Usuman jikan Usuman nan tsugune yana sallallami, yana da na sani sa’ad da ba ta da amfani. Ya kwashe ‘yam buhunansa, ya nufi gida yana bakin ciki.<br /><br />Da ma ai irin bukatarsa ka san ba tari ya ke yi ba. Kafin wata uku dan abin hannunsa duk ya kare, ya sayad da dawakinsa, barorinsa da suka ga abin na lalacewa suka watse. Da wadannan kudi na dawaki suka kare, ya karyar wa mai garin da gidansa araha, ya yi awo da kudin.<br /><br />Kafin shekara wannan dan hatsin ya kare, sai matan nan yara suka fita, suka bar shi da tsohuwar matarsa. Da ma an ce tsohon doki sai mai shi.<br /><br />In gajarce maka labari dai, na rantse har da rawaninka, Allah ya be ka nasara, ba a yi shekara biyu ba, sai da ungulu ta koma gidanta na tsamiya. Ka ji aikin zari. Kowa ya I kokarin wai ya sami fiye da abin da Allah ya ba shi, ya lalace.<br /><br />[insert picture here—middle right page 92]<br /><br />Kafin aku ya kare ba da labarin nan gari ya wayer. Musa ya dubi Barakai, ya ce, “Kin ga irin halin nasa ba?”<br /><br />Barakai ya ce, “A’a! Ashe kana da gaskiya, ka ji abu kamar na magani! Wallahi ko da ya fara labarin sai na ji na manta abin da ya kawo ni. Amma ba kome na dawo da magariba.” Ya fusata, ya ce, “har kai ma watau tatsuniyoyinsa sun rude ka ko? To, gobe ka fito ba da shi ba, ka ga abin da zai same ka.”<br /><br />Da magariba ta yi sai ya Barakai ya yiwo shiri ya dawo, ya ce wa Musa, “Zan sake kwana nan gunka, yau lalle mu fita. Suka zauna suka yi ta hira. Da suka ji bayin nan sun yi shiru suka iske aku, Musa ya ce, “Zan tafi, ga shi har na sami ‘yar rakiya kuma.”<br /><br />Aku ya duba ta taga sai ya ga hadari ya taso, ya ce wa Musa, “Haba, ko kuna hauka kwa fita yanzu cikin wannan ruwa?”<br /><br />Barakai ya ce, “Ai ba a fara ruwa ba, ma tafi hakannan.” Aku ya yi ta jansu da ‘yan tade-tade, har ruwa ya goce. Suka zauna suna jira a dauke.<br /><br />Aku ya dube su, ya ce, “Da zaman banza bari in gaya maku dan labari.”<br /><br />Musa ya dubi Barakai, ya ce, “Ai ko kin san gaskiyarsa, ya fada mana dan gajere.”<br /><br />Barakai ya ce, “Kyale shi, ba mu so. Kullum sai ka rika tsai da shi a kan surutun wofi, kai ba hadisi ka ke masa ba, kai ba labaran Annabawa ka ke gaya masa ba, balle a san kara shi ka ke yi.”<br /><br />Aku ya ce, “Abin da ya sa ba na ba da labaran Annabawa, tsoron jahilai na ke. Kun san yanzu akwai mutane da yawa wadanda su ba malamai ba na sosai, amma da sun ji mutum ya yi wata ‘yar magana game da irin wadannan, sai ka ga suna neman daukar kafarsa, wai ya yi sabo. Amma fa im ba don gudun haka su tabbata a gare shi—har zuwa ga Shugaban Ma’aika, akwai wanda ba sani ba?”<br /><br />Musa ya ce, “To, in haka ne fara gaya mana labarin Annabi Sulaimanu, wanda aka ce ya mallaki mutane da aljannu har da tsuntsaye.”<br /><br />Aku ya ce, “Wannan ai sananne ne har yanzu ba ka ji shi ba?”<br />Musa ya ce, “I, na ji cikin dukan mutanen duniya babu wanda ya fi shi arziki”<br /><br />Aku ya ce, “Ai wannan daga baya ne. Domin sa’ad da aka nufe shi da annabci aka ce ya zabi dukan abin da ya ke so a ba shi. Shi ko ya ce tun da ya ke an ba shi mulkin jama’ar Allah, shi ba abin da ya fi so sai hikima, don ya san yadda zai rike su a kan adalci. To, tun da ya zabi wannan bai zabi dukiya ba, ko tsawon rai, ko mutanen zamaninsa, ya kuma kara masa har da abubuwan nan da bai roka ba.”<br /><br />Musa ya ce, “Habe, tun da na ke ban taba samun wanda ya bayyana mini asalin wannan a;’amari ba, sai fa kai yau.”<br /><br />Aku ya ce, “Ko labarin yadda ya yi hukunci tsakinin wadansu mata biyu ba ka taba ji ba?”<br /><br />Musa ya ce, “Wallahi ban taba ji ba. Wane irin huknci ya yi?” Aku ya matso kusa da Musa, ya kishingida a bias hannun rigarsa, ya fara.</div> </div>

MAGANA JARI CE 1 KOWA YAYI KOKARIN YA SAMI FIYE DA ABINDA ALLAH YA NUFE SHI DA SHI, YA JAWA KANSA WAHALA

MAGAN JARI CE LITTAFI NA DAYA labari na ashirin da 1 Kowa Ya Yi Kokarin Ya Sami Fiye Da Abin Da Allah Ya Nufe Shi Da Shi ...

Cigaba da Karatu

LABARIN SARKIN BUSA

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na Ashirin</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEjT_PAwN08HdODw5pNev9nsCoTM39IvLpWo35-ExStYHCZ1eHIR7s3VJpNutztgikCjpaCoVTLbjigcHw8kqA7OIZHo4DLg0Dv_RT4n09llNoIpukRNdtThDdtFTAdSQex1wIX3VAhYxtmI/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEjT_PAwN08HdODw5pNev9nsCoTM39IvLpWo35-ExStYHCZ1eHIR7s3VJpNutztgikCjpaCoVTLbjigcHw8kqA7OIZHo4DLg0Dv_RT4n09llNoIpukRNdtThDdtFTAdSQex1wIX3VAhYxtmI/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> LABARIN SARKIN BUSA</div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Labarin Sarkin Busa  <br />      Abin da ya sa na ce haka, a wani gari can ketaren Bahar Maliya a cikin kasar Jamus, tun shekaru da yawa da suka wuce, Allah ya saukar musu da wani babbar bala’i. Aka saukar musu da beraye ko’ina cikin garin. Berayen nan suka yi ta karuwa, har mutane suka rasa abin da su ke ciki, duk inda mutum ya duba garin ba ya ganin kome sai beraye. Ko wajen barci mutum in ya zo sai ya tarad da kamar ashirin tuku-tuku suna kwance. In hula ka ajiye, ko riga, kafin da safe sai ka tarar aljihun cike da beraye. In takaice maka labari, yawansu ba su kidayuwa. In da za ka kidaya su, ka kidaya kudajen da ke garin, sai ka ga sun fi yawan kudanjen nan kamar sau dari. Gari dai ba wajen sa kafa, duk beraye ne.<br /><br />Abinci kuwa mutum ko ya fi Aula dabara, ba yadda zai yi ya ajiye shi. Kome za a dafa sai a yi daidai da yadda za a iya cinyewa, don ko cikin akwati ka sa abinci ka kulle, sa san yadda za su yi wa akwatin nan huda, su shiga su cinye.<br /><br />Duk wani abu da ka sani ana yi da fata sun cinye. Ba ka ganin mai takalmi, ko matashin kai, ko gafaka, ko buzu a garin. In ko sun kai ga abin da ba su ci, sai su yi masa hudoji, su bata shi. Ta ishe ka ma ko jariri suka tarar yana barci, sai su tasam masa da cizo za su cinye. Sai in ya yi kuka iyayen su kwace shi.<br /><br />In dare ya yi kuma su kan hana mutane barci da kuka da guje-guje. In sun ga jikin mutum waje, sai su kama da cizo, wai za su cinye shi. To, kada ka zargi mutanen garin, ka ga kamar sakarci ya hana su kasha su. Bala’I sai sa’ad da Mai abu ya sawwake abinsa. Da sun ga kare sai su tasam masa, su nuna masa Sarkin Yawa ya fi Sarkin Karfi. Don kyanwa kuwa, wannan karamar alhaki, ba su kula da ita ba.<br /><br />Abin mamaki, mutane kuma in sun tasam ma kasha su, sai ka ga kamar kara su su ke yi. Don a sa tarko kuwa, ko a sa dafi cikin abinci a ajiye, duk wannan ba ya rudinsu. Da sun gani sai su kewaye, kamar gaya musu a ke yi.<br /><br />Duk mutanen gari suka rasa yadda za su yi, sai suka tasam ma mai garin, suna cewa shi ne ke da gashin tsiya, don tun da aka halicci duniya ba su taba jin irin wannan ba, sai cikin wannan zamani da ya ke sarauta. Suka ce ko dai ya san yadda zai yi da berayen nan, ko kuea su fitad da shi, su kore shi daga kasar.<br /><br />Sarkin ya rasa inda zai sa kansa. Mutanen gari kuwa sai kara matsa masa lamba su ke yi. Ran nan yana zaune zugum, wadannan dattijai su zo su zazzage shi su wuce, wadannan su zo su zunzungure shi su wuce. Sai ga wani dan tsoho bako ya zo, ya duka ya gai da Sarki.<br /><br />Sarki ya dube shi, ya gan shi wani iri, sai ya ce, “Malam, daga ina? Wace sana’a ka ke yi?”<br /><br />Tsoho ya ce, “Ga ni dai. Inda na fita da nisa, amma sana’ata busa, har mutane na kirana Sarkin Busa.”<br /><br />Sarki ya ce, “To, sai ka je ka sauka, in kana iya sauka nan, mu ba ta busa mu ke yi ba yanzu, ta kawunammu mu ke yi da wannan bala’i.”<br /><br />Sarkin Busa ya ce, “Ai ni ma ba busar banza na ke yi ba, wani asiri Allah ya ba ni wanda in na yi busa duk ko wane abu mai rai ya biyo ni. Da kwadi, da macizai, da beraye, da dukan naman ruwa da na tudu, da tsuntsaye, har da masu tafiya da kafa biyu, duk wanda ya ji na yi busa, ba sauran zama, sai ya yi ta bi na. Don wadannan ‘yan berayen da suka dame ku, in ka iya ba ni abin da na ce, yanzu sai in raba ku da su?”<br /><br />Sarkin ya dube shi, ya ce, “Yau ga abin mamaki, mene ne sule dari kuma! Sule dubu goma ma, in kana so sai in ba ka. Kai dai mu rabu da wannan bala’i.”<br /><br />Sarkin Busa ya ce, “To, madalla.” Ya sa wata irin mabusa bakinsa, ya yi ta busa, yana yawo cikin gari rariya rariya. Sai berayen nan suka yi ta fitowa ko ta ina, suna binsa tururururu, wadansu manya, wadansu kanana, wadansu tultul, wadansu kyamas-kyamas. Ga wadansu ja wur, wadansu fari fat, abin har da shudda da rawaya. Ka ga wadansu ruku-ruku da ciki wadansu suna ‘yan kuka tsui tsui, kamar suna fara’a da wata bushara.<br /><br />Da ya kwashe duk, sai ya nufi kogi yana busa, suna biye, mutane na kallo na murna. Da isarsa bakin kogi sai ya fada cikin ruwa yana busa, beraye kuma ba su san sa’ad da suka bi shi ba, yi ta yi wa juna barka. A tsaya ma a fadi farin cikin da mutanen garin nan su ke yi da rabuwa da wannan bala’I, ya zama kauyanci.<br /><br />Inda Allah ya kyauta wa Sarki da ya ke mutane ba su san rashin tsaida maganarsa ta sa wannan abu ya faru gare su ba. Da sun sani nan take su ke halaka shi duk da zuriyarsa. To, ga shi kuma duk nasa sun bace, balle a ce wani makirci aka kulla da shi.<br /><br />Da uban yaron nan mai dingishi ya ga abin da ya faru, sai ya ruga ya jawo dansa, yana murna. Aka tambayi yaro me ya sa su ke bin mutumin nan? Yaro ya ce, “Ai mun ji yana cewa mu biyo shi, duk abin dad’ na duniya ya ba mu. Ya ce akwai tabkin zuma, da nono, mu yi ta sha. Ga nama soyayye da dafaffe, wai inda zai nu-nu mana shinkafa ba a maganarta. Ni yanzu, duk bakin ciki na ke yi da aka bar ni baya. Yanzu suna can suna cin dadinsu, ni ina nan.”<br /><br />Beran nan guda kuwa da ya haye, sai ya tafi ya iske wadansu yana cewa, “Ba ku sani ba, na yi daron cin dadi. A can ketaren banza, ga nama. Ga mai, ga abinci iri iri, ba mai hana ka ci. Ya ce wajen nan da zai nuna mana ba a taba sanin akwai wani abu wai shi kare ba balle kyanwa, karamar alhaki. Zan isa, saura kadan, sai na ji na fada cikin ruwa. Yanzu ‘yan’uwana na can sun yi kiba ni rashin sa’a ya sa ni na tabe!”<br /><br />Saura suka yi ta cewa, “Allah ya sa wata rana mai busan nan ya zo nan kasar, ya tafi da mu mu ma!”<br /><br />Sarki ya baza mutane cikin duniya, ko sami labarin ya bulla wani wuri da ‘ya’yansu. Aka yi nema, ko labari. Suka gaji suka dangana.<br /><br />Manyan gari suka ce, “Kai, ba ku sani ba fa, Sarkin nan ke da duk wannan gashin tsiya. Tun da aka halicci duniya kun taba ko jin inda irin wadannan al’amura suka faru?”<br /><br />Saura suka ce, “A’a, lalle in ba tasam masa muka yi ba, har mu kuma zai sa a halaka mu.”<br /><br />Sai suka taru suka tafi gidan, suka kunna masa wuta. Mai gari ya fito da gudu, suka bi shi da jifa, suka kore shi garin, ya fita tsirara. Ilyalinsa kuwa suka fid da su, kowace ta nufi gidansu. Suka kwashe dukiyar da ya tara, da akwatunan kudi da ya jibge. Suka kona gidan, don kada sabon Sarkin da za su yi ya kwashi ciwon wancan na tsiya.<br /><br />[insert picture here, lower right-page 86]<br /><br />Ka ji abin da ke aukuwa ga mai yin alkawari ba ya cikawa. Musa ya duba ya ga wuri ya yi haske, ashe har rana ta fito ba su sani ba. Sai ya ce wa aku, “Na ji abin da ke aukuwa ga mai alkawari ba ya cikawa. To, me ke faruwa ga irinku masu hana a cika alkawari? Bai tsaya garin jiran amsa ba, sai ya shiga gida a fusace.<br /><br />Da azahar ta yi Waziri ya kira tsohuwan nan ya yi mata kwando goma na zagi, don har yanzu ta kasa dabarar da za ta yi tfito da Musa. Tsohuwan nan ta ce, “Kullum ina kokari, wani dan aku gare shi mai tsai da shi da labaru ko yaushe har gari ya waye.”<br /><br />Waziri ya tashi ya mangare ta, ya ce, “Tun da ba ki da wata dabarar da za ki wayace dan tsuntsu, tafi, yau na sa wani.” Sai ya kira bawansa Barakai, wannan da ya aika wajen Sarkin Sinari kwanan baya, ya gaya masa abin da ya ke so, da kuma yadda aku ke hana Musa zuwa da labaru.<br /><br />Barakai ya yi shiri irin na mata, ya tafi gidan Sarki, ya tarad da Musa inda tsohuwan nan ta yi masa kwatanci. Ya yi masa maganar Mahmudu na can rai ga Allah, ya ce wai Mahmudu ya ce a gaya masa, tun da ba ya kaunar zuwa su gana, shi ma ko lahira kada Allah ya gama su. Musa ya fashe da kuka, ya ce, “Kullum ina so in tafi, dan akun nan ke tsaishe ni da labari. Ga ko Sarki ya ce in na yi wani abu ba da na shawarce shi ba, bai yarda mini ba duniya da lahira.”<br /><br />Barakai ya ce, “Don dai wannan dan tsuntsu, yau ka tafi. Nan zan kwana, da mun ji bayin nan sun yi barci mu je tare ka salami akun, in hana shi ya tsai da kai.”<br /><br />Musa ya ce, “Da kin kyauta.” {Don yana tsammani mace ce.) Suka zauna nan, har barci ya share bayin da ke saure. Suka tashi suka nufi wajen aku.<br /><br />Ko da aku ya hango su tafe su biyu, sai ya gane Barakai namiji magana, ya riga su ya ce, “Don Allah, yallabai, yau ka tafi. Ni ba na iya ba ka wani labari. Duk inda ka ke son zuwa, ka tafi.”<br /><br />Barakai da dubi aku, ya ce, “Ko ba ka ce ba, da ma yau ba mu son wani labari naka.”<br /><br />Aku ya langabe kai kurum, sai tausayi ya kama Musa, ya ce masa, “Me ya same ka yau?”<br /><br />Aku ya ce, “Tunani na ke yi.”<br /><br />Da ya ke Musa ba ya son ya yi wa akun nan abin da zai motsa masa rai, sai ya tambaye shi tunanin da ya ke yi. Aku ya ce, “Ina ya tara five da abin da Allah ya ba shi.”<br /><br />Musa ya ce, “Wannan masassaki ya ja wa kansa halaka.”<br /><br />Aku ya ce, “Da ma ka ji abin da ya same shi, ai da ka san lalacewar ba ta da iyaka.” Bai tsaya a ko ce ya fadi ba, sai ya fara.</div> </div>

MAGANA JARI CE 1 LABARIN SARKIN BUSA

MAGANA JARI CE LITTAFI NA DAYA labari na Ashirin LABARIN SARKIN BUSA Labarin Sarkin Busa        Abin da ya sa na ce ha...

Cigaba da Karatu

BANZA GIRMAN MAHAUKACI KARAMIN MAI WAYO YA FI SHI

<div dir="ltr" style="text-align: left;" trbidi="on"> <div style="text-align: center;">  MAGANA JARI LITTAFI NA DAYA</div> <div style="text-align: center;"> <br /></div> <div style="text-align: center;"> labari na goma sha tara </div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEhQpx_CPISLQAQ4Rjp1TAjGg_eT_jWHocsJFjQ56pQlahc-cwREMYqxBJbNzfvwyqvL6Won0mhUMzGU5qzzRUIyBJPErtcb27PG6LdIc2gH19r0kqOVUb8OrxwqFpC4zzmRwuZ1p02TlCD2/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEhQpx_CPISLQAQ4Rjp1TAjGg_eT_jWHocsJFjQ56pQlahc-cwREMYqxBJbNzfvwyqvL6Won0mhUMzGU5qzzRUIyBJPErtcb27PG6LdIc2gH19r0kqOVUb8OrxwqFpC4zzmRwuZ1p02TlCD2/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> BANZA GIRMAN MAHAUKACI KARAMIN MAI WAYO YA FI SHI</div> <div style="text-align: center;"> <br /></div> <div style="text-align: center;"> <br /></div> <div style="text-align: center;"> Banza Girman Mahaukaci, Karamin Mai Wayo Ya Fi Shi <br /><br />      A cikin wani daji akwai wata kura wadda ke da gidanta mai kyau kwarai da gaske a wani kogo, ta kawata shi da kyau, babu abin da babu a ciki.<br /><br />Sai kuran nan ta sami wani biri, ta sa shi ya rika tsaron gidan nan kullum in ba ta nan, don kada wani abu ya fasa in ba kowa, ko kuwa a zo a yi mata sata. Kullum birin nan ba ya rabuwa da gidan. Ran nan yana zaune sai wani bunsuru da mata tasa da ‘ya’yansu uku suka fado nan gidan. Dalilin zuwansu kuwa, kiwo suka tafi har dare ya yi musu, suka rasa hanyar komawa gari, suna kuwar tsoron kada su gamu da zaki ko kura.<br /><br />Da biri ya gan su, sai ya ce, “Kai daga ina? Su wane ne ku? Nan fa gidan kura ne, ku rufa wa kanku asiri ku koma, in ba haka ba kuwa, in je yanzu in gaya mata ta zo ta hau doronku dai dai.”<br /><br />Akuya ta dubi bunsuru, ta ce, “Maigida, yau fa abin da mu ke dangana da ciyawar da ubangijimmu ya ke zuba mana kullum dare! Ga shi kwadayin son danya ya sa mun kawo kammu a mahalaka.”<br /><br />Biri ya dubi bunsuru, ya ce, “ni fa na gaya muku ku gudu, in ba haka ba, yanzu in tafi in gaya mata.”<br /><br />Bunsuru ya harari biri, ya ce, “Mutumin banza, wannan gidan tun daga kakan kakana, Sarkin Masu, na gaje shi. Ba wanda zai kwace shi daga gare ni duk fadin duniyan nan. Je ka, gaya mata mana, ina nan ina jiranta.”<br /><br />Biri ya zabura, ya tafi wurin kura. Bayan ya tafi akuya ta ce wa bunsuru, “Mu yi ta kammu, kafin kura ta zo!”<br /><br />Bunsuru ya ce, “Ke ar, mara hankali! Ai yanzu idan muka nuna alamar mun ji tsoro mun kade, ba mu da wurin tsira ko mun gudu. Idan mun ga kura tafe, sai ki ce wa ‘ya’yammu su yi kuka gaba daya, in na tambaye ki dalilin kukansu, ki ce suna jin yunya ne, wai suna son naman kura su ci, ba su cin na jiya, ya rube.”<br /><br />Akuya ta amsa ta ce, “To, amma dai ni ban sa wannan za ta fid da mu ba.”<br /><br />Da biri ya isa wajen kura ya ce mata, “Ga wani abu nan da iyalinsa, ya zo ya ce wai gidan nan ba naki ba ne, wai na kakan kakansa ne, Sarkin Masu. Na ce ya gudu, kada ki zo ki cinye su. Ya ce ke din me? Ba irin zagin da bai yi miki ba.”<br /><br />Kura ta ce, “Ka san shi?”<br /><br />Biri ya ce, “A’a. Amma barewa ta ce wai bunsuru ne.”<br /><br />Kura ta ce, “Ko da ban gan shi ba, lalle ba bunsuru ba ne, Bunsuru ba yadda zai yi wannan aiki. Yaya kamarsa ta ke? Ya kai girmana?<br /><br />Biri ya ce, “Ko kusa, ni ma kadan ya fi ni. Wani irin launi gare shi ja ja, da gasusuwa zaro-zaro, da ‘yan kofati kamar na barewa.”<br /><br />Kura ta ce, “In ka tabbata bai fi ni karfi ba, mu je mu gan su, Shin su nawa ne?”<br /><br />Biri ya ce, “Har da ‘ya’yansu su biyar ne duka.”<br /><br />Kura ta ce, “Nawa? Biyar! Ko ba su da karfi fa akwai yawa Sarkin Yawa kuwa ya fi Sarkin Karfi!”<br /><br />Biri ya ce, “Ai duk kanana ne, babban ma da tsawon kafa kadai ya fi ni. Kuma a nan duniya ai babu naman dajin da ya fi ki karfi, in ba zaki da giwa ba.”<br /><br />Kura ta ce, “Kai, yi mini shiru! Namun dajin da suka fi ni karfi nan duniya wa ya san iyakarsu? Kai dai mu tafi mu gani, in da riba mu fafata, in kuwa babu mu yi ta kammu.”<br /><br />Ko da bunsuru ya hango su sai ya ce wa matarsa, “Tura ‘ya’yanki cikin kogo, in sun shige kuma su yi ta kuka baki daya.”<br /><br />Da suka shige duk suka barke da kuka baki daya, “Ba-a-a-a-a-a-a-a! Bunsuru ya ce, “kai, me ya sami yaran nan?”<br /><br />Akuya ta ce, “Wai sun ce duk cikin naman da ke gidan nan ba su cin naman kowa sai na kura kadai, wai ya fi dadi.”<br /><br />Bunsuru ya ce, “To, a ba su sauran na kuran nan da na kasha jiya mana su karasa.”<br /><br />Akuya ta ce, “Na ba su, sun ce ba su cin naman da ya fara bashi, wai sai sabo su ko so.”<br /><br />Bunsuru ya ce, “To, su hakura kadan su bar motsi, don na ji biri ya ce wai kura yau tana tafe, za mu yi fada, in Allah ya kawo mana ita ai kin ga yau sa wadata in dai don nama ne, don na ji an ce ta yi mai kwarai.”<br /><br />Kura ta dubi biri, ta ce, “Ka ji ko, gaskiyata ce da na ce lalle abin nan ya fi ni karfi, ka ji jiya ma sai da ya kasha wani kura. Na san lalle bunsuru ba ya yia daurewa ya yi mini haka ba, ko daji ma ba ya yarda ya fito ba, wanda kullum yana can boye cikin gari. Ni zan koma tun bai rigaya ya gan ni ba!”<br /><br />Biri ya ce, “Kada ki lura da zancensa, fankama kawai ya ke yi miki da karairayi, na gan shi dan karamin abu ne, kuma da ganin tafiyarsa ka ga raggo.<br /><br />Da kura ta ji haka zuciyarta ta yi dan karfi, ta ce, “To, mu tafi.” Ko da bunsuru ya hango ta, sai ya tura ‘ya’yansa a cikin kogonkura, suka soma kuka gaba daya. Ya ce wa akuya, “Don Allah gaya musu su yi shiru, biri ya yi mini alwashin zai yi dabara ya kawao mini kura har nan gidana, in sun yi hayaniya yaya za ta yarda ta iso, balle mu samu mu kasha ta mu sami abin kalacin? Kun gani fa yau saboda ita ba mu yi tanajin kome ba, a gare ta muka dogara.”<br /><br />Da kura ta ji haka sai ta kama biri, ta ce, “Ashe da munafunci aka kulla da kai, don ka sa a kasha ni a banza? To Allah ya tona asirinka, dan banza!” Zai yi magana ta sa kafa ta taka shi, ta kasha. Ita kuwa ta yi baya da gudu tana zawo.<br /><br />Da bunsuru ya ga sun sami sa’a haka sai suka kwashe duk kayan da ke gidan suka kama hanya suka koma gari gidansu.<br /><br />Aku ya dubi Musa, ya ce, “To, mu tafi, kyaun dan halas duk kayan da ke gidan suka kama hanya suka koma gari digansu.<br /><br />Aku ya dubi Musa, ya ce “To, mu tafi, kyaun dan halas duk abin da ya yi niyya ya cika. Abin da ke aukuwa ga mai yin alkawari ba ya cikawa, in ka ji ai sai ka yi kurum.”<br /><br />Musa ya ce, “Me ke farua ga mai saba aksawari. Don mutum ya yi niyyar abu, ya koma ya fasa, sai wani abu ya same shi?”<br /><br />Aku ya ce, “Babban mugun abi kuwa zai same shi.” </div> </div>

MAGANA JARI CE 1 BANZA GIRMAN MAHAUKACI KARAMIN MAI WAYO YA FI SHI

 MAGANA JARI LITTAFI NA DAYA labari na goma sha tara BANZA GIRMAN MAHAUKACI KARAMIN MAI WAYO YA FI SHI Banza Girman ...

Cigaba da Karatu

BABBAN MUGUN ABU GU DA YAYI HUSHI DA IYAYENSA

<div dir="ltr" style="text-align: left;" trbidi="on"> <div style="text-align: center;"> MAGANA JARI CE LITTAFI NA DAYA</div> <div style="text-align: center;"> <br /></div> <div style="text-align: center;"> labari na goma sha takwas</div> <div style="text-align: center;"> <br /></div> <div style="text-align: center;"> <a href="https://blogger.googleusercontent.com/img/b/R29vZ2xl/AVvXsEhMuJLZmyXC7Q_o8AJcf6gjNFMk3hImk9lPJDhXQugz2xTok3CQTRAigxkUakZXpWuy5IEPesyK1mo9s_eps-iNyBj7OBaqvUCuniLTIYBYFbzLblmk0j29SHPARGtVg-Z2RJSlvZeQpAHy/s1600/aku-2.jpg" imageanchor="1"><img border="0" height="320" src="https://blogger.googleusercontent.com/img/b/R29vZ2xl/AVvXsEhMuJLZmyXC7Q_o8AJcf6gjNFMk3hImk9lPJDhXQugz2xTok3CQTRAigxkUakZXpWuy5IEPesyK1mo9s_eps-iNyBj7OBaqvUCuniLTIYBYFbzLblmk0j29SHPARGtVg-Z2RJSlvZeQpAHy/s320/aku-2.jpg" width="226" /></a></div> <div style="text-align: center;"> <br /></div> <div style="text-align: center;"> BABBAN MUGUN ABU GU DA YAYI HUSHI DA IYAYENSA</div> <div style="text-align: center;"> <br /></div> <div style="text-align: center;"> Babban Mugun Abu Gun Da, Ya Yi Fushi Da Iyayensa <br />      Ina tsammani ban taba gaya maka ba, wata rana aka yi wa wadansu ‘yam makaranta jarrabawa. Daga cikinsu akwai dan limamin garin, ana kiransa Ilu. Ba ya kula da aiki ko kadan. Kullum in ana koya musu aiki, shi sai ya yi ta wasa. Saboda haka da aka yi jarrahawan nan bai ci kome ba. Sai ya sami sifiri. Malaminsa ya yi fushi kwarai da ya ga haka, ga yaro dam manyan mutane ya lalace. Saboda haka ya je ya gaya wa liman abin da dansa ke ciki, don kada nan gaba a kore shi, uban ya bara rai.<br /><br />Da aka gaya wa uban, sai ya kira shi wai ya yi masa fada ya kara kokari. Ya zazzage shi yana cewa in bai yi kokari ya yi karatu ba, ba shi da wani amfani, sai fa ya je ya yi tallan tsire.<br /><br />Yaro ya tashi yana ta hushi, wai uban ya ce in bai yi kokari ba, zai ba da shi ga manauta ya je ya yi tallan tsire. Ya koma karamin zauren gidan, ya zauna. Yana nan yana ciccika, lokacin cin abinci ya yi, kanensa Ibrahim ya zo ya kira shi su je su ci. Sai Ilu ya dube shi da hushi, ya ce, “Je ka, ci! Ni ban ci.”<br /><br />Ibrahim ya bushe da dariya, ya ce, “Kana tsammani wani ya kula don ba ka ci abinci ba? Je ka, huta.” Ya tafi ya gaya wa iyayen.<br /><br />Liman ya ce, “Fushi ya ke yi, don na yi masa fada? To, kyale shi! Don cikinsa.”<br /><br />Matar ta ce, “Ya da ta ki auren Sarkin Noma ba?” Ko da ya ke uwar ta ce haka, duk da wannan hankalinta na Wajen Ilu. Ta kaikaici idon liman, ta tafi wajensa tana rarrashi, ya ki cin abinci. Ta ya ta yi, sai ya dube ta, ya ce, “Ina ruwanku da ni, ni da kuka ce ba ni da amfani sai ga masu tsire? Ina kokarina, don malam ya ki jinina ya zo ya ce ba na kokari. Na ko san duk ajin nan ba a samun yaro goma gabana.”<br /><br />Sai uwar ta tashi, ta ce, “Bar mu je mu ajiye maka.”<br /><br />“Me za ku ajiye mini? Ni ko kun ajiye, ba na ci. Me za ku yi da mai tallan tsire?”<br /><br />Da liman ya duba, bai ga matar ba, sai ya yi tsammani tana wurin Ilu ne, saboda haka ya sa baki ya kira Ilu, ya ce, “taso ka ci abinci, kada ka yi sakarci.”<br /><br />Ilu ya c,e “Ba sakarci na ke yi ba, karatu na ke yi. Kuma ni mai tallan tsire, yaya zan ci abinci da ku?”<br /><br />Liman ya ce, “Ho lalatacce, dan banza, mai taurin kai! Allah wadan yaron zamani!”<br /><br />Ilu ya ce, “Na kuma zama dan banza, lalatacce, bayan da fari ga ni ba wan mahauta?”<br /><br />Ashe Ilu ya ji, sai ya ce, “Kai kuma me ya sa bakinka ciki? Cin danko har da kaza?” Sai kuma fushi ya koma kan Ibrahim, ka san da ma an ce zomo ba ya fushi da makashinsa sai maratayi. Ya ce, “Wa ya tambaye shi ma ne, da ya sa bakinsa? Ka san Ibrahim ya raina ni.” Sai ya tashi, ya shiga dakinsu na kwana. Da zuwa sai ya tarad da wandon Ibrahim bisa gadonsa, sai ya jeho shi waje, ya ce, “Raini ke nan ya sa kazamin wandonsa bisa gadona, ya sa mini kyaya.” Ya haye gadonsa ya kwanta, yunwa kuwa ta fra dafa shi.<br /><br />Yana nan kwance, wai don ya fito sai Ibrahim ya zo ya ce masa, “Ka yi bako.”<br /><br />Ilu ya harare shi, ya ce, “Fita, ba ni wuri!”<br /><br />Ibrahim ya yi murmushi, ya ce, “Abokinka ne ya zo.”<br /><br />Ilu ya ce, “Na gaya maka ka tafi ka ba ni wuri tun da girma, ko?”<br /><br />Ibrahim ya wuce, yana cewa, “Na san dai yunwa ta sa ka wannan hushi, ba kome ba.”<br /><br />Ashe fa gaskiyar Ibrahim. Ilu ya tashi ya rasa inda zai sa kansa don yunwa. Ya yi shawara ya koma ya ce a ba shi abincin da aka ajiye masa, ya ga in ya yi karaya haka a yi masa dariya. Saboda haka ya jure dai. Can zuwa la’asar ya ji abin ba dama, sai ya dauki wandonsa, ya sulale zai kai kasuwa, sai ya ji motsin ubansa a zaure. Ya ga in ya gane zai ba shi kashi. Saboda haka ya komo ya kurda ta kofar damfami, ya fita. Ya nufi kasuwa wajen ‘yan tsumma. Ya tarad da wani mai dinkin mashimfidi, ya ce masa “Kana sayen wandona?”<br /><br />Madinki ya karba ya duba, ya ce, “Kai, karbi abinka” kyallen ai namuzu ne. Tir! Ko Ingila ba sayenka a ke ba, sai Turawa su watsar sadaka. Amma to, nawa za ka sayar mini don in rika kara wa jakina wajen laheru?”<br /><br />Ilu ya ce, “Nawa za ka biya?”<br /><br />Madinki ya ce, “Kwabo hudu. Ko ma na zura jiki ne?”<br /><br />Ilu ya ce, “An ce in bai yi kwabo takwas ba, kada in bari.”<br /><br />Madinki ya bude baki kamar zai yi hamma, ya mika wa Ilu wando, ya ce, “Lalle in ka kewaya a sami mai sayensa sule ma. Duba shi, ai sabo ne.”<br /><br />Ilu ya lura ba’a ya ke yi masa, sai ya mika masa wando, ya ce, “Kawo kudi.”<br /><br />Aka mika masa awalaja, ya runtse a hannu, ya shiga kasuwa neman abin da zai ci. Magariba ta kusa, kowa ya watse, bai sami kome ba. Sai ya nufi tukubar tsire ya tsunguna, ya sa aka zare masa wajiya ta kwabo hudu, ya ci ya ci har ya koshi. Ya nemi ruwa ya sha. Ya tasam ma gida yana cewa, “Tun da aka zazzage ni, sai na sayad da kayana duka na ci abinci. Ba na sake cin abincinsu sai sun zo sun rarrashe ni.”<br /><br />Yana zuwa gida, sai ya tarad da fura mai zuma uwar ta kai masa dakinsa. Ya bude, ya duba, ya diba kadan da ludayi ya kurba, sai ya ji ta coin. Ya ce, “Yau ga ni ina son furan nan, amma in na sha lalle a yi mini dariya.” Amma bari in kurba luddayi uku, na san dai ba a ganewa. Ya tsunguna ya sha. Ya gama ke nan, sai ga kanen ya shigo, ya ce, “Ina ka tafi, ga Inna ta ce in kawo maka fura?”<br /><br />Ilu ya ce, “Ina ruwanka da in da na tafi? Me ka ba ni ajiya? Dauki furarku, ba na sha. Ni sakarai, dan banza, me ruwanku da ni? In je in mutu mana.”<br /><br />Ibrahim ya fita ke nan da fura, sai wajiya ta yi ta taso wa Ilu, sai amai. Nan da nan ciki ya murde shi, ya yi ta murde-murde bisa gado yana kugi.<br /><br />Da uwar ta ji, ta kira Ibrahim suka rugo su ga ko mene ne. Suka tarad da shi sai amai ya ke yi, duk idanduna sun jujjuye, suka tambaye shi abin da ya ce. Ya ce, “Na-na-nama.”<br /><br />Nan da nan uban ya ce a nemo tsamiya. Uwar ta ruga. Ilu sai kuka ya ke ya yana murde-murde, ya kasa kwance ya kasa tsaye. Nan da nan uwar ta kawo, aka jika, aka dura masa ya sha. Sai ya barke da zawo. Kafin lisha ya sami sauki. Gari na wayewa ya warke sarai. Sai ya tafi wajen iyayen, ya roke su gafara, ya ce daga yau ba ya sake yi musu musu. Aikin makaranta kuwa, su saurari abn da zai faru in an sake yi musu jarrabawa. Daga ran nan ya koma dan kirki, duk ajinsu aka rasa kamarsa. In ka ki jin joron iyayenka, ka ji na Mahaliccinka.<br /><br />Musa ya duba, ya ga har rana ta kunno, sai ya ce wa aku, “Ka ga dai da zan yi tafiya, ka tsai da ni a wofi, ga shi ka sa na makara.” Ya koma ciki da hushi. Duk yinin nan ya hana a kawo wa aku wani abinci sabo.<br /><br />Da rana ta fadi, asuba ta yi, aku ya kura ido hanyar da Musa ke fitowa. Ko da ya hango shi tafe da takobi tsirara, sai ya ce, “Daukan ni mu tafi tare.”<br /><br />Musa ya harare, shi, ya ce, “Ka yi mini amfanin me wurin yaki, dan tsurut da kai haka? An ce maka labari a ke so?”<br /><br />Aku ya ce, “Ko ba don labari ba, dabara ai ita ce yaki, ba karfi ba. Ina zaton ba ka taba jin labarin yadda bunsuru ya yi dabara har ya kori kura ya gaje gidanta ba ne?”</div> </div>

MAGANA JARI CE 1 BABBAN MUGUN ABU GU DA YAYI HUSHI DA IYAYENSA

MAGANA JARI CE LITTAFI NA DAYA labari na goma sha takwas BABBAN MUGUN ABU GU DA YAYI HUSHI DA IYAYENSA Babban Mugun Abu Gu...

Cigaba da Karatu